वासुद-अकोला गांवचे सुपुत्र डॉ. निरंजन आनंदराव केदार यांचा ‘ राज्यस्तरीय छावा ’ पुरस्काराने गौरव*

 *वासुद-अकोला गांवचे सुपुत्र डॉ. निरंजन आनंदराव केदार यांचा ‘ राज्यस्तरीय छावा ’ पुरस्काराने गौरव*

सांगोला तालुक्यातील वासुद-अकोला या गावचे सुपुत्र आणि निष्णात फिजिशियन डॉ. निरंजन आनंदराव केदार (एम.डी. मेडिसिन) यांना त्यांच्या आरोग्य व सामाजिक क्षेत्रातील उल्लेखनीय कार्याची दखल घेऊन अखिल भारतीय छावा संघटना महाराष्ट्र राज्य यांच्या वतीने आयोजित पुरस्कार सोहळ्यात त्यांच्या कर्तुत्वाचा सन्मान करत "छावा राज्यस्तरीय पुरस्कार" यांनी सन्मानित करण्यात आले आहे. गोरगरीब रुग्णांना वैद्यकीय सेवेच्या माध्यमातून नवजीवन देणाऱ्या डॉ. केदार यांना पुरस्कार मिळाल्याने सर्व स्तरांतून त्यांच्यावर अभिनंदनाचा वर्षाव होत आहे.

*छावा सर्वसामान्य जनतेचा...,छावा सामाजिक कर्तुत्वाचा..., छावा अनोख्या आरोग्य सेवेच्या कार्यपद्धतीचा...!*

मुंबई येथील ऐतिहासिक मराठा समाजाच्या आंदोलनामध्ये संघर्ष योद्धा मनोज पाटील यांच्या गरजवंत मराठ्यांचा लढा या आंदोलनामध्ये तसेच मराठा क्रांती मोर्चा यांच्या आंदोलनामध्ये सर्व टीम घेऊन अत्यावश्यक आरोग्य सेवा व आपत्कालीन ॲम्बुलन्स सेवा पुरवणारे मराठा सेवक म्हणून डॉ.निरंजन केदार यांचा नावलौकिक आहे. सदैव देव देश आणि धर्मासाठी असणाऱ्या कार्यक्रमांमध्ये स्वयंस्फूर्तीने भाग घेऊन अतिशय मोलाचे असे सामाजिक कार्यात योगदान डॉक्टर साहेबांचे असते. शिव शाहू फुले आंबेडकर अशा पुरोगामी विचारसरणीच्या आणि पुरोगामी विचार जपणाऱ्या डॉ. निरंजन केदार यांनी नेतृत्व, आचरण आणि कर्तृत्वातून खऱ्या अर्थाने आपला विचार जोपासला आहे ही खूप मोलाची बाब आहे. समाजाच्या कोणत्याही कामांमध्ये अत्यंत अग्रेसर असणाऱ्या डॉक्टर साहेबांच्या कार्यपद्धतीचे सर्व मान्यवरांकडून कौतुक होत आहे. "जिथे कमी तिथे आम्ही" अशी भूमिका राबवल्यामुळे जनमानसात  म्हणजेच तो कोणत्याही जाती-धर्माचा असू द्या डॉक्टर आपुलकीने विचारपूस करून त्याला योग्य पद्धतीने सेवा दिल्याशिवाय शांत बसत नाहीत त्यामुळेच डॉक्टरांची प्रतिमा सर्वसामान्य लोकांमध्ये अतिशय चांगली असून ही चर्चेची बाब आहे

*आरोग्य सेवेतून सक्रिय समाजकारणाकडे वाटचाल*

 

डॉ.निरंजन केदार हे सांगोल्याचे लोकप्रिय आमदार डॉ. बाबासाहेब देशमुख यांचे अत्यंत विश्वासु निकटवर्तीय असून , हृदररोग तज्ञ आमदार डॉ.बाबासाहेब देशमुख व  स्त्रीरोगतज्ज्ञ डॉ.निकीताताई बाबासाहेब देशमुख यांच्या मार्गदर्शनाखाली सामाजिक ,राजकिय ,शैक्षणिक ,

वैद्यकीय आणि आरोग्य सेवेमध्ये झोकून देऊन कार्य करत आहेत व सर्वच क्षेत्रात अतिशय सक्रिय आहेत.सांगोला तालुक्याचे भाग्यविधाते स्व. गणपतराव देशमुख (आबासाहेब) यांच्या विचारांचा वारसा जपत त्यांनी सामाजिक आणि राजकीय क्षेत्रातही आपली स्वतंत्र ओळख निर्माण  केली आहे. अशा सुशिक्षित आणि संवेदनशील तरुणांनी समाजकारणात सक्रिय होणे ही काळाची गरज असल्याचे मत अनेक मान्यवरांनी व्यक्त केले आहे.

*हलाखीच्या परिस्थितीतून यशाचे शिखर*

डॉ. निरंजन केदार यांचा प्रवास अत्यंत प्रेरणादायी आहे. त्यांचे वडील श्री. आनंदराव गणपती केदार यांनी रयत शिक्षण संस्थेत ग्रंथपाल म्हणून काम करताना, घराच्या हलाखीच्या परिस्थितीवर मात करत आपल्या तिन्ही मुलांना उच्चशिक्षित केले. वडिलांचे कष्ट आणि प्रामाणिकपणा या संस्कारांच्या शिदोरीवर डॉ. निरंजन यांनी बालवाडी ते सातवीपर्यंतचे शिक्षण कराड येथे, तर दहावीपर्यंतचे शिक्षण पंढरपूरच्या यशवंत विद्यालयात अव्वल क्रमांकाने पूर्ण केले. त्यानंतर कर्मवीर भाऊराव पाटील महाविद्यालयातून बारावीची गुणवत्ता मिळवून त्यांनी शासकीय कोट्यातून वैद्यकीय शिक्षणाचा मार्ग मोकळा केला.

*रयतचे संस्कार आणि अष्टपैलू व्यक्तिमत्व*

डॉ. केदार यांच्या व्यक्तिमत्त्वावर कर्मवीर अण्णांच्या विचारांचा मोठा पगडा आहे. साताऱ्याच्या आर्यांग्ल वैद्यक महाविद्यालयात शिकत असतानाच त्यांनी आपल्या नेतृत्वाचा ठसा उमटवला, ज्याची दखल घेत त्यांना ‘आदर्श विद्यार्थी’ पुरस्काराने गौरवण्यात आले. पुढे बेळगावच्या नामांकित के.एल.ई. विद्यापीठातून एम.डी. करताना त्यांनी परराज्यातही आपली मोहोर उमटवत ‘सर्वोत्कृष्ट पदव्युत्तर विद्यार्थी’ हा बहुमान पटकावला.

*‘रुग्ण सेवा हीच ईश्वर सेवा’*

गेल्या ५ वर्षांपासून डॉ. केदार सांगोला तालुक्यात केवळ व्यावसायिक दृष्टिकोन न ठेवता माणुसकीच्या भावनेतून वैद्यकीय सेवा देत आहेत.शासकीय योजनांच्या माध्यमातून ग्रामीण भागातील रुग्णांना उच्च दर्जाचे उपचार मोफत मिळवून देण्यासाठी ते अहोरात्र धडपडत असतात.मोफत तपासणी शिबिरे, रक्तदान शिबिरे आणि आरोग्य जनजागृतीच्या माध्यमातून त्यांनी ‘संवेदनशील डॉक्टर’ म्हणून आपली ओळख निर्माण केली आहे.त्यांचे अनेक शोधनिबंध (Research Papers) Pubmed आणि Scopus सारख्या नामांकित आंतरराष्ट्रीय वैद्यकीय जर्नल्समध्ये प्रसिद्ध झाले आहेत.

*खेळाच्या मैदानातून राष्ट्रीय स्तरापर्यंत झेप*

डॉ. केदार हे केवळ स्टेथोस्कोपपुरते मर्यादित नसून, ते एक यशस्वी खेळाडू देखील आहेत. कबड्डी आणि शरीरसौष्ठव (Bodybuilding) या खेळांमध्ये त्यांनी आंतरराज्य आणि ऑल इंडिया आंतरविद्यापीठ स्तरावर मैदान गाजवले आहे. सध्या ते ‘इंडियन बॉडी बिल्डिंग अँड फिटनेस फेडरेशन’ चे राष्ट्रीय पंच म्हणून कार्यरत आहेत.

 

 *“डॉ. निरंजन केदार यांनी आपल्या वडिलांच्या कष्टातून आणि कर्मवीरांच्या विचारातून प्रेरणा घेत समाजाची सेवा केली आहे. ‘ राज्यस्तरीय छावा’ हा पुरस्कार त्यांच्या आजवरच्या निस्पृह रुग्णसेवेची पावतीच आहे.”*

आदर्श नवरात्र उत्सव मंडळ उदनवाडी यांच्या वतीने भव्य शारदीय नवरात्र महोत्सव 2026, वर्ष 15 वे आनंदमय व भक्तिमय वातावरणामध्ये साजरा

 🙏आदर्श नवरात्र उत्सव मंडळ उदनवाडी यांच्या वतीने भव्य शारदीय नवरात्र महोत्सव 2026, वर्ष 15 वे आनंदमय व भक्तिमय वातावरणामध्ये साजरा

आदर्श नवरात्र उत्सव मंडळ उदनवाडी यांच्यावतीने दरवर्षीप्रमाणे याही वर्षी वर्ष 15 वे नवरात्र उत्सव आनंदमय व भक्तिमय वातावरणामध्ये साजरा करण्यात आला प्रारंभी दि.11 ऑक्टोबर 2026 रोजी येरमाळा येथून उदनवाडी या ठिकाणी देवीची ज्योत आणण्यात आली. घटस्थापना करण्यात आली. तसेच इतिहासात  प्रथमच उदनवाडी येथील महिला भगिनींनीही सांगोला ते उदनवाडी अशी 25 कि.मी. पायी ज्योत आणली.त्यानंतर दि.11 ते20 ऑक्टोबर2026 दरम्यान रोज सकाळ व संध्याकाळ देवीची आरती करण्यात आली. मायाक्का देवी ओविकार मंडळ उदनवाडी, मार्तंडभैरव वाघ्या मुरळी पार्टी सांगोला, पोतराज उत्तम गळवे व सहकारी यांचा देवीच्या गाण्यावर आधारित कार्यक्रम, महिलांसाठी होम मिनिस्टर कार्यक्रम, जादूगार जे जे यांचा जादूचे प्रयोगाचा कार्यक्रम असे विविध कार्यक्रम संपन्न झाले. तसेच महिला भगिनींसाठी होम मिनिस्टर, संगीत खुर्ची, रांगोळी स्पर्धा आयोजित करण्यात आली होती. तसेच आदर्श नवरात्र उत्सव मंडळ यांच्या 

वतीने महिला शेतकरी प्रमाणपत्र काढण्याचा कॅम्प आयोजित करण्यात आला होता, उदनवाडी गावामध्ये ग्रामस्वच्छता अभियान 

राबविण्यात आले यामध्येही जिल्हा परिषद प्राथमिक शाळा उदनवाडी, आदर्श नवरात्र उत्सव मंडळ उदनवाडी, उदनवाडी व उदनवाडी परिसरातील ग्रामस्थ व युवक यांनी आपला सहभाग घेतला. विद्यार्थ्यांसाठी प्रश्नमंजुषा, लहान मुलांसाठी फनी गेम्स या विविध स्पर्धा , महिला शेतकरी प्रमाणपत्र काढणे, ग्रामस्वच्छता अभियान,राबवून आदर्श उत्सव मंडळाने एका आदर्श जोपासला. दि.20 ऑक्टोबर 2026 रोजी महाप्रसाद आयोजित करण्यात आला होता. तसेच उदनवाडी गावातून देवीची भव्य मिरवणूक काढण्यात आली. रामकृष्ण वारकरी संप्रदायिक संस्था पंढरपूर येथील विद्यार्थ्यांनी तसेच आदर्श नवरात्र उत्सव मंडळ उदनवाडी या मंडळातील सदस्यांनी मिरवणुकीमध्ये आपली कला सादर केली. नयनरम्य अशी भव्य दिव्य मिरवणूक पार पडली. आदर्श नवरात्र उत्सव मंडळाने महिलांसाठी विद्यार्थ्यांसाठी विविध 

उपक्रम राबवून एक आदर्श निर्माण केला. तसेच रोज सकाळ व संध्याकाळ देवीची आरतीसाठी मोठ्या संख्येने भाविक भक्त महिला भगिनी लहान थोर मंडळी हे एकत्र जमत होते. सर्वजण एकत्र येऊन सर्वधर्मसमभाव साधण्याचे काम ही या उत्सवाने केले. हा नवरात्र उत्सव म्हणजे उदनवाडी व उदनवाडी परिसरातील सर्व भाविक भक्त महिला भगिनी लहान थोर  मंडळी यांच्यासाठी एक आनंद देणारा उत्सव आहे असे परिसरामध्ये बोलले जात आहे. सर्वांच्या सहकार्याबद्दल आदर्श नवरात्र उत्सव मंडळ उदनवाडी या मंडळाने सर्व भाविक भक्त, महिला भगिनी, लहान थोर मंडळी व मंडळातील सर्व सदस्यांचे सहकार्याबद्दल सर्वांचे आभार मानले व यंदाचा वर्ष पंधरावे नवरात्र उत्सव आनंदमय व भक्तिमय वातावरणामध्ये साजरा करण्यात आला.🙏

चोपडी येथील संग्राम बाबर यांच्या शेतात ॲग्रोस्टार या कंपनीचा 1233 या मका वाणाचे प्रात्यक्षिक संपन्न

 चोपडी येथील संग्राम बाबर यांच्या शेतात ॲग्रोस्टार या कंपनीचा 1233 या मका वाणाचे प्रात्यक्षिक संपन्न 

 * प्रात्यक्षिकासाठी शेतकऱ्यांचा उत्स्फूर्त    प्रतिसाद-

*ॲग्रोस्टार कंपनीच्या बियाणे व औषधांच्या वापराबाबत तेजस कोल्हे यांचे मार्गदर्शन संपन्न 

सांगोला /प्रतिनिधी:( दशरथ बाबर )  शेती क्षेत्रात अग्रेसर असलेल्या पुण्यातील नामवंत ॲग्रोस्टार कंपनीच्या 1233 या मका वाणाचे पीक प्रात्यक्षिक चोपडी तालुका सांगोला येथील प्रगतशील शेतकरी संग्राम बाबर यांच्या शेतामध्ये शनिवार दिनांक 17 ऑक्टोबर रोजी सकाळी दहा वाजता संपन्न झाले. ॲग्रोस्टार कंपनीचे कृषी मार्गदर्शक तेजस कोल्हे यांनी चोपडी येथील शेतकऱ्यांना ॲग्रोस्टार 1233 या मका वाणासंदर्भात तसेच कंपनीच्या नवनवीन उत्पादनाबाबत  बहुमोल मार्गदर्शन केले. यावेळी शेतकऱ्यांनीही कंपनी प्रतिनिधींना प्रश्न विचारले व त्याची उत्तरे जाणून घेतली.

शेतकरी संग्राम पांडुरंग बाबर यांनी चोपडी येथील सचिन खळगे यांच्या श्री. गणेश कृषी सेवा केंद्रातून ॲग्रोस्टार 1233 या मका बियाणाची खरेदी केली होती. या मका लागवडीपासून संग्राम बाबर यांना एकरी 30 ते 35 क्विंटल मका उत्पादन अपेक्षित आहे. मकेसाठी पाणी, खत व औषधे याचे उत्कृष्ट नियोजन करून अतिशय चांगल्या प्रकारे मका पीक तयार केले असून लवकरच त्याची कापणी करण्यात येणार आहे.  100 ते 110 दिवसांमध्ये हे मका पीक तयार होते. मक्याचे कणीस वाळले तरी मक्याचे ताट हिरवेगार राहत असल्याने या मकेपासून मुरघासही तयार करता येते. शेतकऱ्यांच्या दृष्टीने कंपनीने तयार केलेल्या ॲग्रोस्टार 1233 व 1235 या मका वाणास व या कंपनीने तयार केलेल्या वेगवेगळ्या उत्पादनासाठी शेतकऱ्यांची चांगली पसंती आहे.

ॲग्रोस्टार या कंपनीचे कृषी मार्गदर्शक तेजस कोल्हे यांनी या मक्याच्या उत्पादनासंदर्भात शेतकऱ्यांना सविस्तर मार्गदर्शन केले. शेतकऱ्यांनी या कंपनीच्या ॲपमध्ये उपलब्ध असलेली माहिती घेऊन आपल्या शेतात वेगवेगळ्या पिकांचे भरघोस उत्पादन घ्यावे असे 

आवाहन केले. टेरिटरी मॅनेजर धिरज शिंदे, ॲग्रोस्टार कंपनीचे सांगोला तालुका प्रतिनिधी गहिनीनाथ यादव यांनीही मार्गदर्शन केले. 

सर्वप्रथम चोपडी गावचे माजी उपसरपंच पोपटशेठ यादव, चेअरमन भिकाजी बाबर, चेअरमन दगडू बाबर, आर. एस. बाबर सर, संग्राम बाबर, सचिन खळगे, यांच्या हस्ते लक्ष्मीमातेच्या प्रतिमेचे पूजन करून कार्यक्रमाचा शुभारंभ करण्यात आला. या कार्यक्रमासाठी चोपडी गावातील शेतकरी बांधव मोठ्या संख्येने उपस्थित होते. यावेळी उपस्थित शेतकऱ्यांसाठी लकी ड्रॉ काढण्यात आला. निवड झालेल्या शेतकऱ्यांना कंपनी उत्पादित मका बियाणे व औषध वाटप करण्यात आले.

वासुद रोड येथील श्री. दुर्गामाता दौड सांगोला पोलीस स्टेशनचे कर्तव्यदक्ष पोलीस निरीक्षक श्री. राहुल देशपांडे यांच्या प्रमुख उपस्थितीत उत्साहात संपन्न*

 *वासुद रोड येथील श्री. दुर्गामाता दौड सांगोला पोलीस स्टेशनचे कर्तव्यदक्ष पोलीस निरीक्षक श्री. राहुल देशपांडे यांच्या प्रमुख उपस्थितीत उत्साहात संपन्न*

दरवर्षी शारदीय नवरात्रात गावागावात आणि शहरातही श्रीदुर्गामाता  दौड घटस्थापना ते विजयादशमी (दसरा) या कालावधीत काढली जाते पूर्ण शिस्तबद्ध स्वरूपात या दुर्गा माता दौडीत धारकरी सहभाग घेतात.  ही परंपरा गेली अनेक वर्षे सातत्याने चालू आहे.  दुर्गा माता दौड म्हणजे सर्व शिवभक्त एकत्रितपणे शिस्तबद्ध पद्धतीने चालणे किंवा धावणे.  दुर्गामाता, कालीमाता, चंडीमाता, भारतमाता, गोमाता, हे सर्व एकच आहेत आणि हिंदू तरुण या मातांच्या चरणी धावत जाऊन देव, देश आणि धर्म यांच्याप्रति शपथ घेतात.

              "श्रीदुर्गमाता दौड" सहावी माळ  वासुद चौक - कर्मवीर नगर ,वासुद रोड नंतर वासुद चौक  या मार्गाने अतिशय जल्लोषाच्या वातावरणात संपन्न झाली या दुर्गामाता दौड साठी सांगोला पोलीस स्टेशनचे कर्तव्यदक्ष पोलीस निरीक्षक श्री राहुल देशपांडे साहेब यांची प्रमुख उपस्थिती लाभली. या सोहळ्याला उत्स्फूर्तपणे सर्व धारकरी उपस्थित होते.

              शिवरायांसारखं रत्न या भारतभूमीला लाभण, या महाराष्ट्राच्या मातीत जन्माला येण हि साधी सोपी गोष्ठ नाही. हा एक ज्वलंत इतिहास पराक्रमाचा, आई भवानीच्या आशीर्वादाचा, या सह्याद्रीचा आणि सह्याद्रीत छातीची ढाल करणाऱ्या मावळ्यांना पुन्हा छत्रपती शिवाजी महाराज जन्माला यावा अस प्रत्येकाला वाटत असेल तर, हिंदूधर्म रक्षण करण गरजेच आहे. इतिहासातील छत्रपती शिवराय अजूनही जिवंत आहे आणि सूर्य चंद्रा सोबती जिवंतच राहील आणि तो आजच्या तरुण, बाल दोन्ही पिड्यांच्या नसानसांत आपल्याला पोचवण्यासाठी आणि याच शपथेवर आज संपूर्ण महाराष्ट्रात देशभरात दुर्गामाता दौड केली जात आहे. सर्व शिवभक्तांनी जास्तीत जास्त श्री दुर्गा माता दौडीत सहभागी व्हावे असे आवाहन शिवप्रतिष्ठान हिंदुस्थान यांच्या वतीने करण्यात येत आहे. संपर्क

77410 50601, 92097 67042.

सांगोला नगरपालिकेच्या पाणीपुरवठा विभागात पाणीपुरवठा अभियंत्याच्या मनमानी व भ्रष्ट कारभाराची शासनाने समिती नेमून चौकशी करण्याची मागणी शहराचा पाणीपुरवठा विस्कळीत

 सांगोला नगरपालिकेच्या पाणीपुरवठा विभागात पाणीपुरवठा अभियंत्याच्या मनमानी व भ्रष्ट कारभाराची शासनाने समिती नेमून चौकशी करण्याची मागणी शहराचा पाणीपुरवठा विस्कळीत   .

 सांगोला /प्रतिनिधी: सांगोला नगरपालिकेच्या पाणीपुरवठा विभागामध्ये पदभार घेतलेले पाणीपुरवठा अभियंता यांनी मनमानी कारभार व प्रचंड प्रमाणात भ्रष्टाचार सुरू केला आहे पाणीपुरवठा विभाग पूर्णपणे विस्कळीत झाला असून नागरिक आंदोलनाच्या पावित्र्यात आहेत या पाणीपुरवठा विभागाच्या अभियंत्याने केलेल्या भ्रष्टाचाराची शासनाने समिती नेमून चौकशी करावी व या अभियंत्यावर गुन्हा दाखल करावा अशी मागणी सांगोला नगरपालिकेचे मा. नगरसेवक सतीश भाऊ सावंत यांनी नगर विकास मंत्री जिल्हाधिकारी यांच्याकडे लेखी निवेदनाद्वारे केली आहे सांगोला नगरपालिकेमध्ये पाणीपुरवठा अभियंता म्हणून ऑक्टोंबर 2024 मध्ये करण सरोदे यांनी पदभार घेतला आहे करण सरोदे यांनी पदभार घेतल्यापासून मनमानी कारभार व भ्रष्टाचार सुरू केला आहे हम करे सो कायद्याप्रमाणे कामकाज सुरू असून माझ कोणी काही करू शकत नाही अशा आविर्भावात ते वागत आहेत मनमानी कारभारामुळे सांगोला शहराचा पाणीपुरवठा विस्कळीत झाला आहे नागरिकांना पाणी वेळेवर मिळत नाही कमी दाबाने पाणीपुरवठा होतो सणासुदीच्या दिवसांमध्ये नागरिक त्रस्त झालेले आहेत आधीच दुष्काळी तालुका असलेल्या सांगोला शहरात या पाणीपुरवठ्या अभियंत्याने कोणत्याच पदाधिकाऱ्याला विश्वासात न घेता कामकाज सुरू केले आहे साहित्य खरेदी केल्याची बोगस बिले तयार करून हा अभियंता भ्रष्टाचार करीत आहे या अभियंत्याने प्रशासकाच्या काळात ज्या पद्धतीने कामकाज केले आहे त्या पद्धतीने आता पदाधिकारी आहेत याचे भान न ठेवता हा अभियंता कामकाज करीत आहे सांगोला नगरपालिकेमध्ये पदाधिकारी अजिबात लक्ष देत नसल्यामुळे हा पाणीपुरवठा अभियंता मनमानी कारभार करीत आहे या अभियंत्याने आतापर्यंत केलेल्या भ्रष्टाचाराची शासनाने समिती नेमून चौकशी करावी व या अभियंत्यावर तात्काळ गुन्हा दाखल करावा अशी मागणी सांगोला नगरपालिकेची मा. नगरसेवक सतीश भाऊ सावंत यांनी राज्याचे नगर विकास मंत्री व जिल्हाधिकारी यांच्याकडे लेखी निवेदनाद्वारे केली आहे पण

मॅक्स इंडिया न्यूजच्या राज्यस्तरीय समाज रत्न पुरस्काराने आप्पासाहेब व्हळगळ सन्मानित.

 मॅक्स इंडिया न्यूजच्या राज्यस्तरीय समाज रत्न पुरस्काराने आप्पासाहेब व्हळगळ सन्मानित. 

वाटंबरे/प्रतिनिधी:

सांगोला तालुका राजुरी गावचे सुपुत्र  आप्पासाहेब शंकर व्हळगळ यांच्या कृषी ,सामाजिक व राजकीय क्षेत्रातील उल्लेखनीय कार्याची दखल घेत मॅक्स इंडिया न्यूज यांच्यावतीने  यावर्षीचा  राज्यस्तरीय समाज रत्न पुरस्कार देऊन सन्मानित करण्यात आले. 

 हा पुरस्कार सोहळा  शुक्रवार दि. 2 ऑक्टोंबर रोजी राजुरी येथील महादेव मंदिरात पार पडला.

या पुरस्कार वितरण सोहळ्यास पंचायत समिती सदस्य सदाशिव दबडे, ग्रामपंचायत सदस्य आनंदा बंडगर ,प्रकाश दबडे ,जगन्नाथ घोंगडे, तानाजी बंडगर, तंटामुक्ती अध्यक्ष आप्पासाहेब जूजारे, बाळासो बिसले, उपसरपंच महेश काटे ,भारत काटे ,विशाल दबडे ,चरण दबडे ,ज्ञानेश्वर दबडे ,अशोक बंडगर, बजरंग बंडगर ,जावेद पटेल तसेच समस्त राजुरी ग्रामस्थ यावेळी मोठ्या संख्येने उपस्थित होते.

श्रीमती सुनिता शेटे यांचा सेवापूर्ती समारंभ संपन्न..* *सुनिता शेटे यांचे महावितरण मध्ये पारदर्शक व तत्पर सेवा.. उपकार्यकारी अभियंता स्वानंद शिंदे*

 *श्रीमती सुनिता शेटे यांचा सेवापूर्ती समारंभ संपन्न..*

*सुनिता शेटे यांचे महावितरण मध्ये पारदर्शक व तत्पर सेवा.. उपकार्यकारी अभियंता स्वानंद शिंदे*

सांगोला प्रतिनिधी 

     श्रीमती सुनिता शेटे यांनी महावितरण मध्ये 17 वर्षे प्रदीर्घकाळ सेवा करताना अत्यंत चोख, पारदर्शक व कोणतेही कारवाई न होता अविरतपणे सुंदर सेवा देऊन आदर्श निर्माण केला व त्यामुळे त्यांचे काम वाखाणण्याजोगे  आहे व यापुढे त्यांनी आरोग्याची काळजी घेऊन उत्साही जीवन जगावे व मला आजच्या या सुंदर कार्यक्रमाचे अध्यक्ष पद मिळाले हे मी माझे भाग्य समजतो असे मत उपकार्यकारी अभियंता स्वानंद शिंदे अकलूज यांनी अध्यक्ष स्थानावरून बोलताना मत व्यक्त केले. 

    श्रीमती सुनिता भारत शेटे मॅडम यांनी महावितरण मध्ये 17 वर्षे प्रदीर्घ सेवा देऊन प्रधानतंत्रज्ञ या पदावरून सेवानिवृत्त झाल्या त्याबद्दल त्यांचा पाटीदार भवन अकलूज येथे अकलूज महावितरण सेक्शन, यशवंत नगर सेक्शन, माळीनगर सेक्शन, विझोरी सेक्शन, लवंग सेक्शन, शिवशंकर वीज कामगार पतसंस्थेतर्फे भव्य सत्कार करण्यात आला. यावेळी शाखा अभियंता सुहास शिंदे, जनमित्र हरी माने, पत्रकार रविराज शेटे, सौ. प्रीती फिरमे शेटे, महावितरणच्या अंजना जाधव, स्वाती जाधव, सुरज सोनवणे, सुरेश वसेकर यांनी शेटे मॅडम यांच्या सेवेचा गुणगौरव करून अत्यंत चोख, व पारदर्शी काम केले व म्हणून त्यांना अनेक पुरस्कार प्राप्त झाल्याचे सांगितले. सदर प्रसंगी पैलवान अजित तोरसकर, शिवशंकर पतसंस्थेचे सुभाष माने, मंगला कंड्रे, राजश्री खरात, राजकुमार भोईटे, वसंत वाघ, गणेश शिंदे, शेख साहेब, अमोल पाटील, घनश्याम फिरमे, मंगला जाधव,, जयश्री जाधव, अंजना जाधव, स्वप्निल शेटे, सौ. पूजा शेटे, अभिजीत ढोले, सौ. अंबिका कानडे, सौ. साधना तोडकर, श्रीमती सुनंदा ढोले, श्रीमती सुरेखा साखरे, सौ. ऐश्वर्या साखरे, महावितरण चे सर्व अधिकारी, कर्मचारी मोठ्या संख्येने उपस्थित होते. सूत्रसंचालन अनुदीप कांबळे यांनी सुरेख केले तर आभार हरी माने यांनी मानले.

*__________________________*

     *महावितरण मधून सतरा वर्षे प्रदीर्घ सेवेतून आज सेवानिवृत्त  होताना माझ्यासाठी ही निवृत्ती नसून एका वेगळ्या पर्वास सुरुवात होत आहे असे वाटते तर पारदर्शक व चोख कामामुळे वरिष्ठांचा विश्वास व कुटुंबाची साथ, कर्मचाऱ्यांची साथ त्यामुळे सेवा चोख व सुरळीतपणे करता आली हे माझे भाग्य समजते..*

*श्रीमती सुनिता भारत शेटे*

*महावितरण प्रधान तंत्रज्ञ*

सांगोला तालुक्यात पाऊस न झाल्याने शेतकरी संकटात; सरसकट पंचनामे करा : *सभापती चेतनसिंह केदार सावंत*

 सांगोला तालुक्यात पाऊस न झाल्याने शेतकरी संकटात; सरसकट पंचनामे करा : *सभापती चेतनसिंह केदार सावंत*

 

सांगोला | प्रतिनिधी

राज्य मंत्रिमंडळाच्या बैठकीत केवळ करपलेल्या पिकांचे पंचनामे करण्याचा निर्णय घेण्यात आला आहे. मात्र, सांगोला तालुक्यात आजपर्यंत पुरेसा पाऊस झालेला नसल्याने शेतकरी दुष्काळी परिस्थितीमुळे मोठ्या आर्थिक संकटाचा सामना करत आहेत. पिकांचे नुकसान, उत्पादनातील घट आणि वाढता शेतीचा खर्च यामुळे शेतकऱ्यांसमोरील अडचणी अधिक गंभीर झाल्या आहेत. या पार्श्वभूमीवर नुकसानग्रस्त शेतीपिकांचे सरसकट पंचनामे करून एकही शेतकरी शासकीय मदतीपासून वंचित राहू नये, आणि पात्र लाभार्थ्यांना शासनाच्या मदतीचा लाभ तातडीने मिळावा अशी मागणी जिल्हा परिषद शिक्षण व आरोग्य समितीचे सभापती चेतनसिंह केदार-सावंत यांनी मुख्यमंत्री देवेंद्र फडणवीस तसेच ग्रामविकास व पंचायतराज मंत्री आणि सोलापूर जिल्ह्याचे पालकमंत्री जयकुमार गोरे यांच्याकडे केली.

सांगोला तालुक्यात पाऊस न झाल्याने अनेक शेतकऱ्यांना पिकांची पेरणी करता आलेली नाही. पाऊस पडेल या आशेवर मशागतीसाठी बँका व खासगी सावकारांकडून कर्ज घेतले; मात्र पाऊस न झाल्याने शेतकरी आर्थिक संकटात सापडले आहेत.या पार्श्वभूमीवर सांगोला तालुक्यातील नुकसानीचे सरसकट पंचनामे करून शेतकऱ्यांना तातडीने शासकीय मदत द्यावी, अशी ठाम भूमिका जिल्हा परिषद शिक्षण व आरोग्य समितीचे सभापती चेतनसिंह केदार-सावंत यांनी मांडली. 

“शेतकऱ्यांच्या संकटाच्या काळात प्रशासनाने कागदोपत्री नव्हे, तर प्रत्यक्ष शेताच्या बांधावर पोहोचून नुकसानीची पाहणी करणे गरजेचे आहे. एकही नुकसानग्रस्त शेतकरी मदतीपासून वंचित राहू नये, यासाठी पंचनामे सरसकट आणि तातडीने पूर्ण करण्याची गरज आहे,” असे त्यांनी स्पष्ट केले.

शेतकऱ्यांच्या अडचणी शासनाच्या निदर्शनास आणून देण्याबरोबरच पंचनामे पूर्ण होईपर्यंत आणि पात्र शेतकऱ्यांना मदत मिळेपर्यंत प्रशासनाकडे सातत्याने पाठपुरावा करण्यात येईल, अशी ग्वाहीही यावेळी  चेतनसिंह केदार सावंत यांनी दिली.

सभापती मा. चेतनसिंह केदार-सावंत यांच्या सहकार्याने अमोल साखरे यांच्या सातत्यपूर्ण पाठपुराव्याला यश; कोळे येथे ०८ शिक्षकांची नियुक्ती

 सभापती मा. चेतनसिंह केदार-सावंत यांच्या सहकार्याने अमोल साखरे यांच्या सातत्यपूर्ण पाठपुराव्याला यश; कोळे येथे ०८ शिक्षकांची नियुक्ती

कोळे : कोळे गावातील विविध वाड्या-वस्त्यांवरील तसेच केंद्रशाळेतील शिक्षकांची कमतरता दूर करण्यासाठी शिक्षण व आरोग्य सभापती मा. श्री. चेतनसिंह केदार-सावंत साहेब यांच्या सहकार्याने अमोल साखरे यांनी केलेल्या सातत्यपूर्ण पाठपुराव्याला अखेर यश आले असून, कोळे येथील विविध शाळांमध्ये एकूण ०८ शिक्षकांची नियुक्ती करण्यात आली आहे.

कोळे गावातील शाळांमध्ये शिक्षकांची कमतरता असल्याने विद्यार्थ्यांच्या शिक्षणावर परिणाम होत असल्याचे निदर्शनास आल्यानंतर अमोल साखरे यांनी हा प्रश्न गांभीर्याने घेत संबंधित प्रशासन व पदाधिकाऱ्यांकडे सातत्याने मागणी व पाठपुरावा केला. विद्यार्थ्यांचे शैक्षणिक नुकसान होऊ नये आणि प्रत्येक शाळेला आवश्यक तेवढे शिक्षक उपलब्ध व्हावेत, यासाठी त्यांनी वेळोवेळी पाठपुरावा करून हा प्रश्न मार्गी लावण्यासाठी प्रयत्न केले.

या पाठपुराव्यास श्री. बाळासाहेब एरंडे मालक तसेच ॲड. सचिन लक्ष्मण देशमुख यांचे सहकार्य लाभले. त्यांच्या सहकार्याने करण्यात आलेल्या मागणीची दखल घेत कोळे येथील विविध वाड्या-वस्त्यांवरील शाळा तसेच केंद्रशाळेतील शिक्षकांची कमतरता दूर करण्यात आली असून, एकूण ०८ शिक्षकांची नियुक्ती करण्यात आली आहे.

विद्यार्थ्यांच्या शैक्षणिक हितासाठी करण्यात आलेल्या मागणीची तातडीने दखल घेऊन सहकार्य केल्याबद्दल शिक्षण व आरोग्य सभापती मा. श्री. चेतनसिंह केदार-सावंत साहेब यांचे अमोल साखरे यांनी मनःपूर्वक आभार मानले.

या निर्णयामुळे कोळे परिसरातील विद्यार्थ्यांना नियमित अध्यापनाची सुविधा उपलब्ध होऊन त्यांच्या शैक्षणिक प्रगतीला मोठी मदत होणार आहे.

“कोळे गावातील प्रत्येक विद्यार्थ्याला दर्जेदार आणि पुरेसे शिक्षण मिळावे, यासाठी प्रश्न मांडणे, त्याचा सातत्याने पाठपुरावा करणे आणि तो मार्गी लागेपर्यंत प्रयत्न करत राहणे, हीच माझी भूमिका आहे. विद्यार्थ्यांच्या शैक्षणिक हितासाठी यापुढेही माझा पाठपुरावा सुरूच राहील,” असे अमोल साखरे यांनी सांगितले.

विद्यार्थ्यांचे हित हेच सर्वोच्च ध्येय! 📚✏️

— अमोल अशोक साखरे

 

 

मांगले ते अक्कलकोट पायी दिंडीचे ४ सप्टेंबरला वाटंबरे नगरीत भव्य आगमन

 मांगले ते अक्कलकोट पायी दिंडीचे ४ सप्टेंबरला वाटंबरे नगरीत भव्य आगमन

(महाप्रसाद अन् 'डमरू-संबळ' नादाने रंगणार भक्ती गीतांची मैफल )

 (विशेष प्रतिनिधी):'

श्री स्वामी समर्थ' नामाच्या जयघोषात आणि टाळ-मृदंगाच्या गजरात मार्गस्थ झालेल्या मांगले ते श्री क्षेत्र अक्कलकोट पायी दिंडी सोहळ्याचे यंदाचे चौथे वर्ष असून, या भव्य सोहळ्याचे आगामी शुक्रवार, दिनांक ४ सप्टेंबर २०२६ रोजी वाटंबरे नगरीत अभूतपूर्व उत्साहात आगमन होत आहे. या स्वागतासाठी येथील ऐतिहासिक श्री माणकेश्वर-दत्त मंदिर परिसर संपूर्ण सज्ज झाला असून, यानिमित्ताने विविध धार्मिक उत्सवांची मोठी रेलचेल पाहायला मिळणार आहे.रविवार, ३० ऑगस्ट रोजी मांगले येथील श्री स्वामी समर्थ मंदिर व साई समर्थ हॉल येथून प्रस्थान केलेली ही पायी दिंडी वाटंबरे येथे दाखल होणार आहे. 

*या सोहळ्याचे अचूक वेळापत्रक आणि वैशिष्ट्ये खालीलप्रमाणे आहेत:*

भव्य मिरवणूक आणि स्वागत (सकाळी १०:१५ ते १२:००): सकाळी ठीक १०:०० वाजता दिंडीचे वाटंबरे येथे आगमन होईल. त्यानंतर १०:१५ वाजल्यापासून स्वामींच्या पालखीची आणि दिंडीची गावातून वाजत-गाजत भव्य स्वागत मिरवणूक काढली जाईल.

*महाआरतीचा सोहळा* (दुपारी १२:०० ते १२:३०): मिरवणुकीनंतर श्री माणकेश्वर-दत्त मंदिर परिसर स्वामी भक्तांच्या उपस्थितीत आणि मंत्रोच्चारात होणाऱ्या 'महाआरती'ने दुमदुमून निघेल.

*अन्नदान व महाप्रसाद*

 (दुपारी १२:३० ते ३:००): दर्शनानंतर सर्व भाविकांसाठी आणि दिंडीतील वारकऱ्यांसाठी तृप्त करणाऱ्या महाप्रसाद आणि फलाहाराचे भव्य आयोजन करण्यात आले आहे.

*पुढील प्रस्थान* 

(दुपारी ३:०० वाजता): दुपारी ३:०० वाजता चहा-पानाचा आस्वाद घेऊन ही दिंडी अक्कलकोटच्या दिशेने पुढील मार्गासाठी मार्गस्थ होईल.

*पारंपरिक वाद्यांचा कडकडाट; कोल्हापूरच्या डवरी समाजाची भक्ती मैफल!*

यंदाच्या सोहळ्याचे मुख्य आकर्षण म्हणजे, महाप्रसाद सुरू असतानाच दुपारी १२:३० ते ३:०० या वेळेत कोल्हापूर येथील सुप्रसिद्ध 'नाथपंथी डवरी समाज भजनी मंडळ खोचीकर' यांच्या वतीने 'सुरेल भक्ती गीतांची मैफल' रंगणार आहे. यामध्ये डमरू वाद्य आणि संबळ-ढोलकी या पारंपरिक, अंगावर रोमांच उभे करणाऱ्या वाद्यांच्या तालावर भक्तांना मंत्रमुग्ध करणारे सादरीकरण अनुभवता येईल.हा सुवर्णयोग साधत वाटंबरे आणि परिसरातील सर्व स्वामी भक्तांनी, अबालवृद्धांनी मोठ्या संख्येने उपस्थित राहून स्वामीदर्शन, स्वामी सेवा आणि महाप्रसादाचा लाभ घ्यावा, असे आग्रहाचे व नम्र आवाहन सोहळा संयोजकांच्या वतीने करण्यात आले आहे.

हुतात्मा महादेव शिंदे यांचे स्मारक सांगोला तालुक्यातील तरुणांचे प्रेरणास्थळ होईल ; पालकमंत्री जयकुमार गोरे यांचा विश्वास

 हुतात्मा महादेव शिंदे यांचे स्मारक सांगोला तालुक्यातील तरुणांचे प्रेरणास्थळ होईल ; पालकमंत्री जयकुमार गोरे यांचा विश्वास 

बलवडी येथे हुतात्मा महादेव शिंदे स्मारकाचे अनावरण संपन्न

सांगोला ; तालुका प्रतिनिधी 

       

बलवडी गावासाठी आजचा दिवस अभिमानाचा व शौर्याचा आहे कारण 59 वर्षानंतर सुद्धा गावकऱ्यांच्या मनात वीर सुपुत्र हुतात्मा महादेव शिंदे व वीर माता पद्मिनी आई शिंदे यांच्या बद्दल प्रचंड प्रेम, आपुलकी दिसून येत आहे. त्याबद्दल गावकऱ्यांना धन्यवाद तर देतोच परंतु माझे भाग्य आहे की माझ्या हस्ते स्मारकाचे अनावरण झाले व मला कार्यक्रमात भाग घेता आला त्यामुळे हुतात्मा महादेव शिंदे यांना प्रथम अभिवादन करतो व बलवडी गावात हुतात्मा भवन साठी 50 लाखाच्या निधीची घोषणा करतो असे सांगून हुतात्मा महादेव शिंदे यांचे स्मारक सांगोला तालुक्यातील तरुणांचे प्रेरणास्थळ होईल असा विश्वास पालकमंत्री जयकुमार गोरे यांनी स्मारकाच्या अनावरण प्रसंगी बलवडी ता. सांगोला येथे बोलताना व्यक्त केला. 

या स्मारक अनावरण प्रसंगी अध्यक्षस्थानी मा. आमदार दिपकआबा साळुंखे पाटील हे होते तर प्रमुख पाहुणे म्हणून आमदार बाबासाहेब देशमुख हे होते. 

     ऊन, वारा, पावसामध्येही देशाचे रक्षण करणारा सैनिक महत्त्वाचा घटक असून त्याची देश सेवा संपली तरी देशप्रेम संपत नाही व विजयदादा शिंदे यांनी ही गावाची योगदान असल्याचे सांगितले तसेच वीर माता पद्मिनी आई यांनी कुटुंब उभारून ताकद दिली व त्यामुळे साठ वर्षानंतर पुन्हा त्यांना वंदन करताना त्यांचे योगदान विचारात घ्यावे लागेल. असेच मान नदीत पाणी सोडले व आता विजेचा प्रश्न व पोलीस स्टेशनचे प्रश्न मार्गी लावू व देशासाठी शिंदे कुटुंबाचा त्याग मोठा आहे असेही पालकमंत्री जयकुमार गोरे यांनी यावेळी सांगितले. 

   सुरुवातीस प्राचार्य संभाजी शिंदे यांनी प्रास्ताविक केले. तसेच हुतात्मा स्मारकाचे उद्घाटन पालकमंत्री जयकुमार गोरे यांनी करून एक सांगोला तालुक्यात मानाचा तुरा रोवण्याचे काम केले असे आमदार डॉक्टर बाबासाहेब देशमुख यांनी याप्रसंगी मत व्यक्त केले. सदर प्रसंगी वीरमाता पद्मिनी आई शिंदे व सुभेदार राजेंद्र धायगुडे यांच्या योगदानाबद्दल त्यांचा सत्कार करण्यात आला. यावेळी भजनी मंडळ व गजी ढोल या पारंपारिक वाद्याने कार्यक्रमात रंगत आणली. शिंदे कुटुंबास सर्व गावांनी सहकार्य केले व सर्वांनी मिळून समाधी स्थळ उभारले व त्यामुळे सर्वांच्या ऋणात राहू असे माजी सरपंच विजय दादा शिंदे यांनी यावेळी सांगितले. यावेळी तहसीलदार बाळू ताई भागवत, गटविकास अधिकारी योगेश कांबळे, पोलीस निरीक्षक राहुल देशपांडे, भाजपा नेते बाळासाहेब एरंडे, शिक्षण सभापती चेतन सिंह केदार, सभापती पुनम ताई इंगोले, जि प सदस्य शोभाताई खटकाळे, माजी नगराध्यक्ष मारुती आबा बनकर, माजी सभापती संभाजी तात्या आलदर, पानंद रस्ते सह अध्यक्ष सचिन देशमुख, ज्येष्ठ नेते तानाजी काका पाटील, आरपीआय अध्यक्ष खंडू सातपुते, डॉक्टर शिवराज भोसले, मच्छिंद्र मामा इंगोले, युवा नेते उल्हास दादा धायगुडे, अमर दादा लिगाडे, पोपटराव गडदे, प्रशांत वलेकर, चेअरमन संजय धायगुडे, चेअरमन शिवाजी शिंदे, नगरसेवक बाळासाहेब झपके, सरपंच ज्ञानेश्वर राऊत, उपसरपंच शिवाजी शिंदे, समाधान शिंदे, तंटामुक्ती अध्यक्ष साहेबराव शिंदे, ग्रामपंचायत सर्व सदस्य, सोसायटी सर्व संचालक, शिक्षक नेते रमेश शिंदे व सर्व परिवार, ग्रामस्थ, महिला, युवा वर्ग मोठ्या संख्येने उपस्थित होता. यावेळी माजी सैनिकांची लक्षणे उपस्थिती होती.शेवटी राष्ट्रगीताने कार्यक्रमाची सांगता करण्यात आली. सूत्रसंचालन शिक्षक तात्यासो शिंदे तर सर्वांचे आभार माजी सरपंच बाळासाहेब शिंदे यांनी मानले.

१) पालकमंत्र्यांकडून हुतात्मा भवनसाठी 50 लाखाच्या निधीची घोषणा 

हुतात्मा महादेव शिंदे यांनी देशाच्या रक्षणासाठी केलेले कार्य हे निश्चितपणे प्रेरणादायी आहे. येणाऱ्या पिढ्यांना या स्मृतिस्थळावरून नवीन ऊर्जा मिळेल असा विश्वास व्यक्त करताना या परिसरात नवीन हुतात्मा भवन उभारण्यासाठी  ५० लाख रुपयांच्या निधीची घोषणा यावेळी पालकमंत्री जयकुमार गोरे यांनी केली. 

    

२) शिंदे व साळुंखे कुटुंबांचे ऋणानुबंध.

    हुतात्मा महादेव शिंदे व ह.भ.प. स्व. शारदाताई साळुंखे पाटील यांचे बहीण भावाचे नाते होते व यापुढेही शिंदे व साळुंखे कुटुंबाचे ऋणानुबंध संबंध राहतील. पालकमंत्री जयकुमार गोरे यांनी मान नदीत पाणी सोडण्यासाठी विशेष प्रयत्न करून शेतकऱ्यांना दिलासा दिला आता यापुढे त्यांनी पाण्याबरोबर विजेचा प्रश्न व पोलीस स्टेशनचे प्रश्न मार्गी लावावेत. 

दिपकआबा साळुंखे पाटील,

माजी आमदार 

फोटो ;

अमृत महोत्सवाचे सुवर्णपर्व: करांडे स्कूलमध्ये ४७ पत्रकारांचा गौरव*

 *अमृत महोत्सवाचे सुवर्णपर्व: करांडे स्कूलमध्ये ४७ पत्रकारांचा गौरव* 

सांगोला (प्रतिनिधी)

सांगोला तालुका शिक्षण प्रसारक मंडळाच्या अमृत महोत्सवी वर्ष २०२६-२७ निमित्ताने सांगोला तालुका शिक्षण प्रसारक मंडळ सांगोला, ड्रीम फाउंडेशन सोलापूर, करांडे इंटरनॅशनल स्कूल जुजारपूर आणि महाराष्ट्र साहित्य परिषद पुणे, शाखा-सांगोला यांच्या संयुक्त विद्यमाने जुजारपूर येथील करांडे इंटरनॅशनल स्कूल अँड ज्युनिअर कॉलेज येथे सांगोला तालुका पत्रकार कार्यशाळा व कृतज्ञता सोहळा अत्यंत उत्साहात पार पडला. लोकशाहीचा चौथा स्तंभ म्हणून पत्रकारितेची भूमिका अत्यंत महत्त्वपूर्ण आहे. पत्रकारांनी आपल्या लेखणीच्या सामर्थ्यातून समाजाच्या आशा-आकांक्षांना व्यासपीठ मिळवून देण्यासोबतच समाजप्रबोधनाचे कार्य अविरत चालू ठेवावे, असे प्रतिपादन या कार्यक्रमाचे उद्घाटक व मुख्य मार्गदर्शक, दैनिक सकाळचे माजी निवासी संपादक, ज्येष्ठ पत्रकार व लेखक अभय दिवाणजी यांनी केले. या कार्यक्रमाच्या अध्यक्षस्थानी सांगोला तालुका शिक्षण प्रसारक मंडळाचे व म.सा.प. सांगोला शाखेचे अध्यक्ष प्रा. प्रबुद्धचंद्र झपके हे होते. यावेळी व्यासपीठावर निमंत्रक ड्रीम फाउंडेशनचे काशिनाथ भतगुणकी, करांडे इंटरनॅशनल स्कूलचे श्रीधर करांडे व समन्वयक, म.सा.प प्रमुख कार्यवाह प्रा. धनाजी चव्हाण उपस्थित होते.

या कार्यक्रमाची सुरुवात सांगोला तालुका शिक्षण प्रसारक मंडळाचे संस्थापक अध्यक्ष कै. गुरुवर्य बापूसाहेब झपके यांच्या तैलचित्रास सांगोला विद्यामंदिर येथे पुष्पहार अर्पण करून झाली. त्यानंतर करांडे स्कूल जुजारपूर येथे विद्यार्थ्यांच्या बहारदार स्वागतसत्राने तसेच गणेश वंदन आणि सरस्वती वंदनाने कार्यक्रमाची सुरुवात झाली. यानंतर विद्यार्थ्यांनी दांडपट्टा व मल्लखांबाचे चित्तथरारक सादरीकरण केले. यावेळी श्रीधर करांडे यांनी सर्व मान्यवरांचे आणि उपस्थित पत्रकारांचे शब्दसुमनांनी स्वागत केले.

दीपप्रज्वलन व प्रतिमा पूजनानंतर, निमंत्रक आणि ड्रीम फाउंडेशनचे काशिनाथ भतगुणकी यांनी प्रास्ताविक केले. आपल्या ओघवत्या प्रास्ताविकातून त्यांनी या कार्यक्रमाचा मुख्य हेतू स्पष्ट केला. स्वतः शून्यातून विश्व निर्माण करणारे, सायकलीवरून थेट दिल्ली गाठणारे आणि 'भाकरीवाला' अशी सर्वसामान्यांत आपली आगळीवेगळी ओळख जपणारे भतगुणगी हे एक ध्येयवेडे आणि दर्जेदार व्यक्तिमत्व आहे. त्यांनी आपल्या मनोगतातून, पत्रकारांना एकाच छताखाली आणून वैचारिक विचारमंथन घडवणे आणि समाजासाठी त्यांनी दिलेल्या योगदानाचा यथोचित गौरव करणे, हाच या कार्यक्रमाचा उदात्त उद्देश असल्याचे सांगत सर्वांचे मनःपूर्वक स्वागत केले.

यानंतर उद्घाटन सत्रामध्ये अभय दिवाणजी यांचे बीजभाषण पार पडले. यावेळी पत्रकारांच्या वतीने पत्रकार मनोज उकळे यांनी आपल्या मनोगतात या सुंदर आयोजनासाठी संयोजकांचे कौतुक केले.चौथा स्तंभ म्हणून मोलाचे योगदान देणाऱ्या  सांगोला तालुक्यातील ४७ पत्रकारांचा सन्मानचिन्ह आणि प्रशस्तीपत्र देऊन विशेष कृतज्ञता सन्मान करण्यात आला. या सोहळ्यास सांगोला विद्यामंदिरचे प्राचार्य चारुदत्त जगताप, विविध क्षेत्रांतील मान्यवर, म.सा.प. सांगोला शाखेचे सर्व सन्माननीय पदाधिकारी, करांडे कुटुंबीय,करांडे स्कूलचे प्रशासकीय अधिकारी, शिक्षक, शिक्षकेत्तर कर्मचारी व विद्यार्थी मोठ्या संख्येने उपस्थित होते. कार्यक्रमाचे सूत्रसंचालन उन्मेष आटपाडीकर व सुनील जावंजळ यांनी केले, तर आभार प्रदर्शन प्रा. धनाजी चव्हाण यांनी मानले.

 *चौकट १* 

 *पत्रकारितेने समाजाचा आरसा बनून सत्यनिष्ठेने कार्य करावे — ज्येष्ठ* पत्रकार अभय दिवाणजी

आपल्या अभ्यासपूर्ण मार्गदर्शनात त्यांनी पत्रकारितेतील बदलते स्वरूप आणि डिजिटल युगातील आव्हाने यावर सविस्तर प्रकाश टाकला. ते म्हणाले की, सध्याच्या सोशल मीडियाच्या आणि वेगाने धावणाऱ्या बातम्यांच्या काळात बातमीदारीची अचूकता आणि विश्वासार्हता टिकवून ठेवणे हे मोठे आव्हान बनले आहे. पत्रकारांनी केवळ घटनांची नोंद न ठेवता, त्यामागील सत्य शोधून काढत बातमीतील वस्तुनिष्ठता जपावी. वृत्तलेखनाची जबाबदारी पार पाडताना समाजातील उपेक्षित आणि वंचित घटकांच्या प्रश्नांना वाचा फोडणे, हे पत्रकारितेचे खरे सामाजिक उत्तरदायित्व आहे. सांगोला तालुक्याच्या सर्वांगीण जडणघडणीत येथील स्थानिक पत्रकारांनी दिलेले योगदान अत्यंत दिशादर्शक असून, भविष्यातही लोकशाहीचा हा चौथा स्तंभ अधिक बळकट करण्यासाठी सर्वांनी निर्भयपणे, निपक्षपातीपणे आणि सत्यनिष्ठेने कार्य करावे, असे आवाहन त्यांनी केले.

 *चौकट २* 

 *अमृत महोत्सवी वाटचालीत पत्रकारांची भूमिका मोलाची — प्रा. प्रबुद्धचंद्र झपके* 

अध्यक्षीय मनोगत व्यक्त करताना प्रा. प्रबुद्धचंद्र झपके यांनी सांगोला तालुका शिक्षण प्रसारक मंडळाच्या ७५ वर्षांच्या देदीप्यमान अमृत महोत्सवी वाटचालीचा सविस्तर आढावा घेतला. ते म्हणाले की, गेली सात दशके संस्थेने ग्रामीण भागातील विद्यार्थ्यांच्या सर्वांगीण विकास, गुणवत्ता आणि शिक्षणाची गंगा तळागाळापर्यंत पोहोचवण्यासाठी अविरत  प्रयत्न केले आहेत. या प्रदीर्घ शैक्षणिक ज्ञानयज्ञात पत्रकारांनी नेहमीच सत्याची कास धरून संस्थेचे कार्य समाजाच्या कानाकोपऱ्यात पोहोचवण्याचे मोलाचे काम केले. समाजातील घडामोडींचे अचूक पडसाद उमटवतानाच पत्रकारांनी आपल्या विधायक लेखणीतून नेहमीच समाजमनाची योग्य बांधणी केली आहे. संस्थेच्या अमृत महोत्सवी वर्षात पदार्पण करत असताना, पत्रकारांच्या योगदानाचा गौरव करता आला याचा मनस्वी आनंद आहे. पत्रकारांनी भविष्यातही अशीच निर्भीडपणे सत्याची बाजू मांडावी आणि समाजाला प्रबोधनाची व विकासाची दिशा देण्याचे कार्य अविरत सुरू ठेवावे, अशी अपेक्षा त्यांनी यावेळी व्यक्त केली.

कोळा येथे स्व. आ. भाई डॉ. गणपतराव देशमुख यांच्या जयंतीनिमित्त मोफत आरोग्य तपासणी शिबिर पंचक्रोशीतील ग्रामस्थांच्या उदंड प्रतिसादात संपन्न*

 *कोळा येथे स्व. आ. भाई डॉ. गणपतराव देशमुख यांच्या जयंतीनिमित्त मोफत आरोग्य तपासणी शिबिर पंचक्रोशीतील ग्रामस्थांच्या उदंड प्रतिसादात संपन्न*

कोळा : सांगोला तालुक्याचे भाग्यविधाते, स्वर्गीय आमदार भाई डॉ. गणपतरावजी देशमुख (आबासाहेब) यांच्या शताब्दी जयंती वर्षा निमित्त आयोजित आरोग्य तपासणी शिबिरास कोळा पंचक्रोशीतील ग्रामस्थांचा उदंड प्रतिसाद लाभला असून सदरचे शिबिर दक्षता हॉस्पिटल , श्री हॉस्पिटल आणि लोकप्रिय आमदार डॉ. बाबासाहेब देशमुख मेडिकल फॅकल्टी यांच्या संयुक्त विद्यमाने कोळा ग्रामस्थांच्या पुढाकाराने संपन्न झाले. या शिबिरामध्ये मोफत सर्वरोग, मुतखडा व मूत्ररोग तपासणी करण्यात आले असून गरजू रुग्णांवर उपचार व शस्त्रक्रिया शिबिरा अंतर्गत मोफत करण्याचे आयोजन करण्यात आले.

            शिबिराच्या उद्घाटनप्रसंगी स्व. आबासाहेबांच्या प्रतिमेचे पूजन या वेळी जेष्ठ नेते तुकाराम दादा आलदर यांच्या शुभ हस्ते झाले.स्व.आबासाहेबांच्या प्रतिमेला पुष्पहार अर्पण करण्यात आला या उद्घाटन प्रसंगी कोळा पंचक्रोशीतील सर्व नेते मंडळी तसेच या कार्यक्रमास पंचायत समिती सदस्य श्री. सोपान दाजी कोळेकर, सूत गिरणी चे संचालक श्री कुंडलिक आलदर सर, दिलीप देशमुख, माजी सरपंच मारुती सरगर सर, माजी सरपंच शहाजी हातेकर, माजी पंचायत समिती सदस्य श्री सीताराम सरगर, माजी ग्रा. प. सदस्य रमेश नाना कोळेकर, ग्रा प सदस्य शिवाजी आलदर, माजी उपसरपंच डॉ. सादिक पटेल, अशोक आबा आलदर, ग्रा. प. सदस्य दिलीप कोळेकर, ग्रा. प. सदस्य दगडू कोळेकर, ऍड धायप्पा आलदर, ऍड निलेश मदने, युवा नेते दत्ता सरगर, बाळासाहेब कोळेकर, अंबादास सरगर डॉ. बापूसाहेब सरगर,श्रीमती वंदना संजय सरगर, जुनोनी सोसायटीत चे चेअरमन बंडू व्हनमाने, युवक कार्यकर्ते अजर खाटीक, तुषार माने,दक्षता हॉस्पिटलच्या वतीने डॉ. किरण संजय सरगर-मस्के , डॉ. निरंजन केदार, श्री हॉस्पिटलचे डॉ. सागर तेली दक्षता हॉस्पिटल चा सर्व नर्सिंग स्टाफ ,धनराज ॲम्बुलन्सचे श्री.सचिन चांदणे आदी मान्यवर उपस्थित होते.

          या शिबिरात विविध आजारांची तज्ज्ञ डॉक्टरांकडून तपासणी करण्यात आली. तसेच मूत्ररोगाच्या रुग्णांची तपासणी करून आवश्यक त्याउपचारांबाबत मार्गदर्शन करण्यात आले. गरजू रुग्णांना शस्त्रक्रियेसंदर्भातही सल्ला देण्यात आला.

              या आरोग्यसेवा उपक्रमाला कोळा पंचक्रोशीतील सर्व ग्रामस्थांनी उत्स्फूर्त प्रतिसाद दिला. मोठ्या संख्येने ग्रामस्थांनी शिबिराचा लाभ घेत आयोजकांच्या सामाजिक उपक्रमाचे कौतुक केले.

सण, उत्सव, निवडणुकीत सहकार्य करावे.. पोलीस निरीक्षक राहुल देशपांडे* *पो.नि. राहुल देशपांडे यांचा सत्कार संपन्न..*

 *सण, उत्सव, निवडणुकीत सहकार्य करावे.. पोलीस निरीक्षक राहुल देशपांडे* 

 *पो.नि. राहुल देशपांडे यांचा सत्कार संपन्न..* 

सांगोला प्रतिनिधी 

      सण, उत्सव व निवडणूक काळात पत्रकारांचे योगदान महत्त्वाचे आहे व त्यांनी पोलीस प्रशासनास सहकार्य करावे कारण त्यामुळे बऱ्याच प्रश्नांची ही सोडवणूक होते असे पोलीस निरीक्षक राहुल देशपांडे यांनी सांगोला पोलीस स्टेशन मध्ये सत्कार प्रसंगी मत व्यक्त केले. 

     सुरुवातीस सांगोला तालुका ग्रामीण पत्रकार संघटनेचे अध्यक्ष रविराज शेटे यांच्या शुभहस्ते पोलीस निरीक्षक राहुल देशपांडे यांचा सत्कार करण्यात आला व पोलीस प्रशासनास सहकार्य राहील असे रविराज शेटे यांनी यावेळी सांगितले. सदर प्रसंगी डिजिटल मीडियाचे प्रदेशाध्यक्ष सतीश भाऊ सावंत, उपनगराध्यक्ष नितीन आबा इंगोले, पत्रकार सचिन धांडोरे, पत्रकार दत्तात्रय पवार, विनोद चंदनशिवे, करण मोरे, अक्षय मुढे, सहाय्यक पोलीस निरीक्षक सिकंदर वर्धन उपस्थित होते.

सोलापूर ग्रामीण पश्चिम जिल्हा काँग्रेस कमिटीची कार्यकारणी जाहीर.

 सोलापूर ग्रामीण पश्चिम जिल्हा काँग्रेस कमिटीची कार्यकारणी जाहीर. 

(सांगोला येथील प्रा.पी .सी. झपके व डॉ. सुदर्शन घेरडे यांची निवड)

सांगोला/प्रतिनिधी:

दि. 3 ऑगस्ट 2026 रोजी सोलापूर ग्रामीण पश्चिम जिल्हा काँग्रेस कमिटीची कार्यकरणी जाहीर करण्यात आली. यामध्ये सांगोल्याचे प्राध्यापक पी .सी. झपके यांची वरिष्ठ उपाध्यक्षपदी म्हणून निवड करण्यात आली तसेच सांगोला तालुक्यातील किडमिसरी गावचे सुपुत्र डॉ .सुदर्शन घेरडे यांची उपाध्यक्षपदी निवड करण्यात आली. या नियुक्तीचे पत्र प्रांताध्यक्ष हर्षवर्धन सपकाळ यांच्या हस्ते देण्यात आले.

 

सोलापूर जिल्हा परिषदेत ५०० शिक्षकांची भरती; शिक्षण क्षेत्राला मिळणार नवी बळकटी! सभापती चेतनसिंह केदार-सावंत

 सोलापूर जिल्हा परिषदेत ५०० शिक्षकांची भरती; शिक्षण क्षेत्राला मिळणार नवी बळकटी! सभापती चेतनसिंह केदार-सावंत 

सोलापूर | प्रतिनिधी

सोलापूर जिल्ह्यातील प्राथमिक शिक्षण व्यवस्था अधिक सक्षम करण्याच्या दृष्टीने जिल्हा परिषदेच्या शिक्षण विभागामार्फत ५०० शिक्षकांची भरती करण्यात येणार आहे. ही भरती प्रक्रिया ‘पवित्र पोर्टल’च्या माध्यमातून पारदर्शक पद्धतीने राबविण्यात येणार असून, सदर भरतीची जाहिरात दि. ६ ऑगस्ट २०२६ रोजी शासनाच्या संकेतस्थळावर प्रसिद्ध करण्यात आली आहे.

जिल्ह्यातील ग्रामीण भागातील विद्यार्थ्यांना दर्जेदार शिक्षण मिळावे, शाळांमधील शिक्षकांची कमतरता दूर व्हावी आणि प्राथमिक शिक्षण व्यवस्था अधिक सक्षम व्हावी, यासाठी ही शिक्षक भरती अत्यंत महत्त्वपूर्ण ठरणार आहे.

“शिक्षण हा विकासाचा पाया आहे. जिल्ह्यातील प्रत्येक विद्यार्थ्याला गुणवत्तापूर्ण शिक्षण मिळणे ही आमची प्राथमिकता असून, शिक्षकांची उपलब्धता वाढवून ग्रामीण भागातील शैक्षणिक व्यवस्था अधिक सक्षम करण्यासाठी जिल्हा परिषद कटिबद्ध आहे,” असे मत सभापती, शिक्षण व आरोग्य समिती, जिल्हा परिषद, सोलापूर  श्री. चेतनसिंह केदार-सावंत यांनी व्यक्त केले.

या भरतीमुळे जिल्ह्यातील शाळांना आवश्यक मनुष्यबळ उपलब्ध होऊन विद्यार्थ्यांच्या शैक्षणिक गुणवत्तेला चालना मिळणार आहे. पात्र उमेदवारांनी शासनाच्या अधिकृत संकेतस्थळावर प्रसिद्ध झालेली जाहिरात वाचून आवश्यक पात्रता व अटींची पूर्तता करून भरती प्रक्रियेत सहभागी व्हावे, असे आवाहनही करण्यात आले आहे.

“शिक्षण मजबूत, तर सोलापूरचा भविष्यकाळ मजबूत!”

चौकट | 

५०० शिक्षक भरतीचा महत्त्वपूर्ण निर्णय

जिल्ह्यातील प्राथमिक शिक्षण व्यवस्था अधिक सक्षम करण्याच्या दृष्टीने ५०० शिक्षकांची भरती प्रक्रिया सुरू होत आहे. ‘पवित्र पोर्टल’च्या माध्यमातून ही भरती पारदर्शक पद्धतीने राबविण्यात येणार असून, दि. ६ ऑगस्ट २०२६ रोजी भरतीची जाहिरात शासनाच्या संकेतस्थळावर प्रसिद्ध करण्यात आली आहे.

ग्रामीण भागातील विद्यार्थ्यांना दर्जेदार शिक्षण, शाळांना आवश्यक शिक्षक उपलब्धता आणि शिक्षण व्यवस्थेला अधिक बळकटी देणे, हा या भरतीमागील प्रमुख उद्देश आहे.

— श्री. चेतनसिंह केदार-सावंत

सभापती, शिक्षण व आरोग्य समिती

जिल्हा परिषद, सोलापूर

वासुद येथें स्व.आम.भाई डॉ. गणपतरावजी देशमुख यांच्या जयंतीनिमित्त मोफत आरोग्य तपासणी शिबीर उत्साहात संपन्न*

*वासुद येथें स्व.आम.भाई डॉ. गणपतरावजी देशमुख यांच्या जयंतीनिमित्त मोफत आरोग्य तपासणी शिबीर उत्साहात संपन्न*

*सांगोला तालुक्याचे भाग्यविधाते स्वर्गीय आमदार भाई डॉ. गणपतरावजी देशमुख यांच्या जयंतीनिमित्त हनुमान मंदिर, वासुद येथे आयोजित मोफत सर्वरोग,मोफत मुतखडा- मूत्ररोग, मोफत नेत्ररोग तपासणी शिबिर उदंड प्रतिसादात पार पडले. सांगोला तालुक्याचे आमदार डॉ.बाबासाहेब देशमुख यांनी या मोफत आरोग्य तपासणी शिबिराला प्रत्यक्ष भेट देऊन सर्व रुग्णांची व वासुद ग्रामस्थांची आपुलकीने विचारपूस केली. स्व. आबासाहेबांचा विचार जपण्यात वासुद-अकोला ही क्रांतिकारी गांव नेहमी सांगोला तालुक्यात अग्रेसर राहत असतात असे मत आमदार डॉ.बाबासाहेब देशमुख यांनी व्यक्त केले. शिबिरा निमित्त आबासाहेबांच्या आठवणींना वासुद ग्रामस्थ यांच्यावतीने उजाळा देण्यात आला. सदरच्या शिबिरामध्ये एकत्रित प्रधानमंत्री आयुष्यमान भारत योजना व महात्मा फुले जन आरोग्य योजना यांच्या माध्यमातून ग्रामस्थांसाठी मोफत तब्बल ५३ आयुष्यमान कार्ड वासुदवासीयांना काढून देण्यात आले.तसेच दक्षता हॉस्पिटल व केदार हॉस्पिटल यांच्या वतीने मोफत आरोग्य सुविधा देण्यात आल्या.नँब नेत्र रुग्णालय मिरज यांच्या वतीने मोफत नेतृत्व तपासणी चष्मे वाटप तसेच गरजू रुग्णांना शस्त्रक्रियेचा सल्ला देऊन हॉस्पिटल मार्फत शस्त्रक्रिया करण्याचे सुचवण्यात आले. सदरच्या शिबिरामध्ये तब्बल दीडशेहून अधिक रुग्णांनी व ग्रामस्थांनी या शिबिराचा लाभ घेतला. सदरचे शिबिर अतिशय उत्साहात वासुद येथील हनुमान मंदिर परिसरात पार पडले.*

शासनाच्या पंतप्रधान आवास योजनेच्या घरकुलासाठी शहरासह वाड्यावस्त्यांवर ग्रीन झोनमध्ये 2 क्षेत्राला बांधकाम परवाना द्यावा. अन्यथा 15 ऑगस्ट 2026रोजी उपोषण .: सतीश सावंत

 शासनाच्या पंतप्रधान आवास योजनेच्या  

घरकुलासाठी शहरासह वाड्यावस्त्यांवर ग्रीन झोनमध्ये 2 क्षेत्राला बांधकाम परवाना द्यावा. अन्यथा 15 ऑगस्ट 2026रोजी उपोषण .: सतीश सावंत 

सांगोला प्रतिनिधी :सांगोला येथे सांगोले नगरपालिका हद्दीतील शासनाच्या पंतप्रधान आवास योजनेच्या  

घरकुलासाठी शहरासह वाड्यावस्त्यांवर ग्रीन झोनमध्ये 2 गुंठे क्षेत्र

असलेल्यांना बांधकाम परवाना द्यावा. अन्यथा 15 ऑगस्ट 2026 रोजी उपोषण करणार असल्याचा इशारा सांगोला नगरपालिकेची मा.बांधकाम समितीचे सभापती सतीश सावंत यांनी निवेदनाद्वारे दिला आहे व नागरिकांच्या प्रश्नासाठी उपोषण करणार असल्याचे सांगितले शासनाच्यावतीने महाराष्ट्र भर गोर-गोरीबांसाठी व ज्यांना घरे नाहीत त्यांच्यासाठी पतंप्रधान आवास योजनेतून घरकुले बांधणे सुरू केली आहेत. या घरकुल योजनेमध्ये अनेकांना पैसे नसताना सुध्दा स्वतःची जागा असली तरी त्यांना घरकुल योजनेचा लाभ देण्याचा शासनाने प्रयत्न केला. ज्यांना जागा नाही ताशांना जागा देऊनही शासन गुरुकुल बांधून देत आहे शासनाने गोरगरींबांसाठी चालू केलेल्या या घरकुल योजनेचा लाभ सांगोला शहरातील अनेक नागरिकांनी घेतला.

सोलापूर जिल्ह्यातील सांगोला नगरपालिका ही महाराष्ट्रातील सर्वात मोठी क वर्ग नागपालिका आहे. या नगरपालिकेची स्थापना 10 जानेवारी 1855 रोजी झालेली आहे. याचे क्षेत्रफळ सुमार 68.82 चौ. कि.मी. आहे. सन 2011 च्या जनगणनेनुसार सांगोला शहराची लोखसंख्या 40 हजारांपर्यत इतकी आहे. यामध्ये 13 वाड्या वस्त्यांचा समावेश आहे. सांगोला शहराचा विस्तार दिवसेंदिवस वाढतच चालला आहे. त्यामुळे सांगोला शहरात नागरपालिकेच्या हद्दीमध्ये ग्रीन झोन मध्ये पंतप्रधान आवास योजनेला बांधकाम परवानगी देण्यात यावी.

यापुर्वी सांगोला नगरपालिकेने ग्रीन झोन मध्ये घरकुलासाठी बांधकाम परवाने व वापर परवाने दिले. त्यामुळे अनेकांनी घरे बांधली व अनेकांना या घरकुल योजनेचा लाभ घेता आला. परंतू नगरपालिकेेने अचानकच ग्रीन झोन मधील घरकुलाचे बांधकाम परवाने व वापर परवाने बंद केले. त्यामुळे अनेकांची घरे बांधण्याची स्वप्ने अर्धवटच राहिली अनेकजण नगरपालिकेमध्ये ग्रीन झोन मध्ये घरकुलासाठी बांधकाम परवाने व वापर परवाने मागण्यासाठी हेलपाटे घालतात परंतू त्यांची कसलीही दखल घेतली जात नाही. ग्रीन झोन मध्ये घरकुलासाठी बांधकाम परवाने व वापर परवाने दिले तर गोर-गोरीब नागरिक या पंतप्रधान आवास योजनेचा लाभ घेईल. व शासनाच्या या घरकुलाची योजना वाड्यावस्त्यापर्यंत पोहचेल त्यामुळे सांगोला शहरासह वाड्यावस्त्यावरील पंतप्रधान आवास योजनेच्या घरकुलाला बांधकाम परवाना व वापर परवाना देण्यात यावा.

सध्या नगरपालिका प्रशासनाने वाड्यावस्त्यांवर पंतप्रधान घरकुल आवास योजनेच्या ग्रीन झोनमधील बांधकामाला 1एकर म्हणजे 40 आर क्षेत्राची अट लागू केली आहे. सर्वांची 40 गुंठे क्षेत्र नाही गोरगरिबांना गुंठा दोन गुंठे क्षेत्र आहे 40 आर क्षेत्र असेल तर ग्रीन झोनमध्ये बांधकाम परवाना दिला जाईल अशी अट घातली आहे. परंतु शहरातील वाढीव भाग व वाड्यावस्त्यांवरील नागरीक गरीब आहेत. पंतप्रधान घरकुल आवास योजनेचा लाभ घेणारे नागरिकांना 2 ते 3 गुंठेच्या वर क्षेत्र नाही. जर त्यांची आर्थिक परिस्थिती चांगली असती तर त्यांनी पंतप्रधान आवास योजनेचा लाभ घेतला नसता. पंतप्रधान आवास योजनेचा लाभ घेणारे नागरीक 2 ते 3 गुंठे क्षेत्र असलेलेच लाभार्थी आहेत. नगरपालिका हद्दीत 2 ते 3 गुंठे ग्रीन झोनमध्ये क्षेत्र असलेल्यांना बांधकाम परवाना देत नसल्याने शासनाच्या या पंतप्रधान आवास योजनेमध्ये एकाही नागरिकाला याचा लाभ होत नाही. ही योजना पूर्णपणे सांगोल्यातून हद्दपार करण्याचा अधिकार्‍यांचा डाव आहे. तरी शासनाने व नगरपालिका प्रशासनाने ग्रीन झोनमध्ये 2 गुंठेच्या पुढे क्षेत्र असलेल्या ग्रीन झोनमध्ये पंतप्रधान आवास योजनेतून घर बांधणार्‍या नागरिकांना बांधकाम परवानगी व वापर परवाना देण्यात यावा. यामुळे नगरपालिकेच्या कर आकरणी व पाणीपट्टीतही वाढ होणार आहे. त्यामुळे ग्रीन झोनमध्ये 2 गुंठे क्षेत्र असणार्‍यांना बांधकाम परवाना व वापर परवाना देण्यात यावा. अन्यथा मी 15 ऑगस्ट 2026 रोजी सांगोला तहसील कार्यालयासमोर उपोषण करणार असल्याचे निवेदनात नमूद केले

मुख्यमंत्री *मा. ना. देवेंद्रजी फडणवीस साहेब यांच्या वाढदिवसानिमित्त तसेच दिवंगत उपमुख्यमंत्री स्व. अजित (दादा) पवार* यांच्या जयंतीनिमित्त महसूल व वनविभाग (तहसील कार्यालय, सांगोला) यांच्या वतीने आयोजित *“छत्रपती शिवाजी महाराज महसूल समाधान शिबिर”*

 पुण्यश्लोक राजमाता अहिल्यादेवी होळकर स्मृती भवन (टाऊन हॉल), सांगोला

महाराष्ट्राचे लाडके मुख्यमंत्री *मा. ना. देवेंद्रजी फडणवीस साहेब यांच्या वाढदिवसानिमित्त तसेच दिवंगत उपमुख्यमंत्री स्व. अजित (दादा) पवार* यांच्या जयंतीनिमित्त महसूल व वनविभाग (तहसील कार्यालय, सांगोला) यांच्या वतीने आयोजित *“छत्रपती शिवाजी महाराज महसूल समाधान शिबिर”* अभियानास  सभापती शिक्षण व आरोग्य जिल्हा परिषद सोलापूर व मा.जिल्हाध्यक्ष सोलापूर ग्रामीण *मा.श्री चेतनसिंह केदार सावंत* उपस्थित होते.

युगपुरुष छत्रपती शिवाजी महाराज यांच्या लोककल्याणकारी विचारांनी प्रेरित या शिबिराच्या माध्यमातून सांगोला तालुक्यातील नागरिकांच्या महसूल व शासकीय कामांशी संबंधित विविध समस्या, अडचणी आणि प्रलंबित प्रकरणे एकाच छताखाली जलदगतीने मार्गी लावण्याचा स्तुत्य उपक्रम राबविण्यात आला. तसेच अनेक पात्र लाभार्थ्यांना विविध शासकीय दाखले व शासनाच्या लोककल्याणकारी योजनांचा प्रत्यक्ष लाभ प्रदान करण्यात आला.

यावेळी उपस्थित लोकप्रतिनिधी व प्रशासकीय अधिकाऱ्यांसमवेत नागरिकांना अधिक सुलभ, पारदर्शक आणि गतिमान प्रशासन उपलब्ध करून देण्यासाठी तसेच *“शासन आपल्या दारी”* ही संकल्पना अधिक प्रभावीपणे राबविण्यासाठी कटिबद्ध असल्याचा विश्वास व्यक्त करण्यात आला.

याप्रसंगी  आमदर श्री बाबासाहेब देशमुख, नगरसेविका सुजाताताई केदार-सावंत, नगरसेविका तनुजाताई एरंडे, नगरसेविका शोभाताई फुले, नगरसेविका वैशालीताई झपके, नगरसेविका आशाताई यावलकर, नगरसेविका सिमाताई सरगर,सोमनाथ मोटे, प्रांतधिकारी माळी साहेब, तहसीलदार बाळूताई भागवत, गटविकास अधिकारी उमेशचंद्र कुलकर्णी साहेब, कृषी अधिकारी जाधव मॅडम, मुख्याधिकारी सुधीर गवळी साहेब इ आदी  मान्यवर उपस्थित होते.

कोळे येथे रुद्र पशुपती कोळेकर महास्वामीजी यांची जयघोषात मिरवणूक संपन्न.. हजारो भाविकांनी घेतले स्वामींचे दर्शन..*

 *कोळे येथे रुद्र पशुपती कोळेकर महास्वामीजी यांची जयघोषात मिरवणूक संपन्न.. हजारो भाविकांनी घेतले स्वामींचे दर्शन..*

*महास्वामींच्या मठात शिवपाठ, पारायण, भजन, किर्तन, गुरु दीक्षा, रक्तदान, महाप्रसाद वाटप करून गुरुपौर्णिमा उत्साहात साजरी..*

नाझरे प्रतिनिधी 

   !!गुरु म्हणजे भक्ती, गुरु म्हणजे शक्ती, गुरु म्हणजे प्रेमानंद, गुरु तोचि सच्चिदानंद, गुरुचे करा भजन, गुरु करी दुःख निवारण, गुरु माझा योगीराणा, गुरुपायी श्रद्धा हीच खरी गुरुदक्षिणा..!!

    हेच विचार मनात घेऊन गुरुपौर्णिमेनिमित्त कोळे ता. सांगोला येथील महास्वामींच्या मठात लाखो भाविकांनी नतमस्तक होऊन गुरु शिष्य भेटीची ओढ काय असते याची प्रचिती गुरुपौर्णिमा दिवशी महास्वामीच्या मठात दिसून आली. गुरुराज माऊली, माऊली माऊली गुरुराज माऊली, कोळेकर महास्वामी की जय, हर हर महादेव या जयघोषाने कोळेनगरी दुमदुमली व कोळेगावातून भव्य रथात मिरवणूक महास्वामींची काढून, जयघोष करून गुरुप्रती वंदन करून गुरुपौर्णिमा उत्साहात साजरी केली. यावेळी महाराष्ट्र व कर्नाटक मधून हजारो भाविकांनी गुरुचरणी नतमस्तक होऊन दर्शन घेतले, कोळेकर महास्वामीजी तिसावे पिठाधिपती यांच्या आशीर्वादाने व कोळेकर महास्वामीजी 31सावे पिठाधिपती यांच्या मार्गदर्शनाखाली गुरुपौर्णिमा उत्सव मोठ्या भक्ती भावाने संपन्न झाला. 

    भारतीय संस्कृतीत गुरूला फार महत्त्व आहे, गुरु केवळ ग्रंथ शिकवणारा नसून योग्य मार्ग दाखवणारा आहे व संसार रुपी सागर पार करायचा असेल तर गुरुची गरज आहे व गुरुचरणाशी मस्तक टेकवणे गरजेचे आहे व प्रत्येकाने गुरुची सेवा करा यश प्राप्ती होईल असे कोळेकर महास्वामींनी आशीर्वाचनात सांगितले व सात दिवस सर्वांनी मिळून कार्यक्रम सुंदर केला तसेच प्रत्येकाने घरचे काम समजून मनातील सेवा केली व त्यामुळे कुदळे कंपनी, कोळे ग्रामस्थ, वीरशैव तरुण मंडळ, गुरु गादी मठ संस्थान पदाधिकारी, महिला, युवक, आबाल वृद्ध या सर्वांना गुरुचा आशीर्वाद आहे असेही महास्वामिनी यावेळी सांगितले. यावेळी असंख्य सेवेकरी यांचा गुरू गादी तर्फे सत्कार करण्यात आला. मिरवणुकीत भजनी मंडळ, ढोल ताशा, वाजंत्री, गजी ढोल इत्यादीचे अप्रतिम सादरीकरण करण्यात आले.

*‌.. शेकडो भक्तांचे रक्तदान..*

  गुरुपौर्णिमेनिमित्त रक्तदान शिबिराचे उद्घाटन कोळेकर महास्वामींच्या शुभहस्ते करण्यात आले यावेळी पानंद रस्ते अध्यक्ष सचिन देशमुख, मा. उपसरपंच डॉक्टर सादिक पटेल, शिंदे मेजर, अमोल कोरे, दुर्वास शेटे व रक्तदाते उपस्थित होते. यावेळी 175 रक्तदात्यांनी रक्तदान केल्याचे रेवनील ब्लड बँकेचे सोमेश यावलकर यांनी सांगितले. 

*.. नेटके नियोजन..*

  गुरुपौर्णिमा उत्सव कमिटी, वीरशैव तरुण मंडळ व ग्रामस्थ कोळे यांनी नेटके नियोजन केले होते. यावेळी महाप्रसाद देणारे गुरुभक्त अर्जुन खरसुडे व परिवार तासगाव तसेच देणगीदार महादेव पैलवान, माया पैलवान व सौ मालन शिवपुजे यांचाही भव्य सत्कार करण्यात आला. 

*.. लाखो भाविकांनी घेतला महाप्रसादाचा लाभ..*

सकाळी अकरा वाजल्यापासून रात्र बारा वाजेपर्यंत अन्नछत्र मंडळात लाखो शिवभक्तांनी महाप्रसादाचा लाभ घेतला ‌ यावेळी सूत्रसंचालन सुनील माळी यांनी केले.