धन्वंतरी जयंती निमित्त आमदार डॉ.बाबासाहेब देशमुख यांचे निवासस्थानी सांगोल्यातील सर्व धन्वंतरींचा सत्कार व कृतज्ञता सोहळा संपन्न

 धन्वंतरी जयंती निमित्त आमदार डॉ.बाबासाहेब देशमुख यांचे निवासस्थानी सांगोल्यातील सर्व धन्वंतरींचा सत्कार व कृतज्ञता सोहळा संपन्न

रुग्ण सेवा हीच ईश्वर सेवा मानून सामाजिक सदभावनेतून रुग्णांना नवसंजीवनी देणाऱ्या सांगोल्यातील सर्व धन्वंतरींचा डॉक्टर मंडळींचा सत्कार व कृतज्ञता सोहळ्याचे आयोजन लोकप्रिय आमदार डॉ.बाबासाहेब देशमुख मेडिकल फॅकल्टी व रोटरी क्लब ऑफ सांगोला यांचे संयुक्त विद्यमाने करण्यात आले होते.सदरचा कार्यक्रम हा आमदार डॉ.बाबासाहेब देशमुख यांच्या निवासस्थानी धन्वंतरी जयंती व धनत्रयोदशी दिवशी अत्यंत उत्साहाच्या वातावरणात संपन्न झाला. या कार्यक्रमासाठी सांगोला तालुक्यातील सर्व डॉक्टर्स मंडळी यांचा उत्स्फूर्त सहभाग लाभला. आमदार डॉ. बाबासाहेब देशमुख व आमदार पत्नी डॉ. निकिताताई बाबासाहेब देशमुख हे अनुक्रमे हृदयरोग तज्ञ व स्त्रीरोग तज्ञ असून दोघेही स्वतः एक धन्वंतरीच आहेत याचेच औचित्य साधून श्री.अरुण पाटील व डॉ.निरंजन केदार यांच्या संकल्पनेतून वैद्यक शास्त्राची आद्य देवता भगवान धन्वंतरी यांच्या जयंतीचे औचित्य साधून हा कार्यक्रम आयोजित करण्यात आला होता. या कार्यक्रमास स्वयंस्फूर्तीने सांगोला तालुक्यातील एकूण 50 पेक्षा जास्त डॉक्टर मंडळी आणि रोटरी क्लब ऑफ सांगोला यांचे सर्व सदस्य ही उपस्थित होते. या कार्यक्रमाची सुरुवात वैद्यकशास्त्राची व आरोग्याची देवता श्री भगवान धन्वंतरी यांचे पूजन करून व धन्वंतरी स्तवन म्हणून करण्यात आली. सांगोल्याचे ज्येष्ठ धन्वंतरी कै.डॉ.श्रीकांत भोसेकर यांच्या द्वितीय पुण्यस्मरण दिनानिमित्त त्यांना सर्व धन्वंतरींच्या वतीने विनम्र अभिवादन करण्यात आले. रोटरी क्लब ऑफ सांगोला व लोकप्रिय आमदार डॉ.बाबासाहेब देशमुख मेडिकल फॅकल्टी यांच्या वतीने सर्व धन्वंतरींचा यथोचित सत्कार शाल,गुलाब पुष्प व सन्मानचिन्ह देऊन करण्यात आला. आमदार डॉ.बाबासाहेब देशमुख यांनी आपल्या मनोगतामध्ये सांगोल्यातील सर्व डॉक्टर्स यांच्या बद्दल कृतज्ञता व्यक्त केली व येणाऱ्या सध्याच्या भीषण दुष्काळाच्या परिस्थितीमध्ये एक लोकप्रतिनिधी म्हणून सर्व डॉक्टरांना आवाहन केले की येणाऱ्या वर्षात गोरगरीब गरजू रुग्णांना व सर्व नागरिकांना शासकीय योजनेच्या अंतर्गत मोफत किंवा अतिशय अत्यल्प दरात आरोग्य सेवा द्यावी आणि सामाजिक सदभावनेतून जेवढ्या पद्धतीने लोकांना मदत करता येईल त्या पद्धतीने करावी. या कार्यक्रमाचे प्रास्ताविक डॉ. विजय बंडगर यांनी केले आणि या कार्यक्रमांमध्ये आपले मनोगत डॉ.निकिताताई बाबासाहेब देशमुख ,ज्येष्ठ धन्वंतरी डॉ.प्रभाकर माळी ,ज्येष्ठ धन्वंतरी डॉ.अमरसिंह शेंडे व रोटरी क्लबचे अध्यक्ष श्री माणिक भोसले सचिव  व रोटरी क्लबचे सदस्य श्री अनिल इंगवले यांनी आपले मनोगत व्यक्त केले. या कार्यक्रमाचे सूत्रसंचालन डॉ. निरंजन केदार यांनी केले. या कार्यक्रमास रोटरी क्लब ऑफ सांगोला चे अध्यक्ष सचिव व सर्व सदस्य उपस्थित होते तसेच सांगोल्यातील ज्येष्ठ धन्वंतरी डॉ. मच्छिंद्र सोनलकर ,ज्येष्ठ धन्वंतरी डॉ.अनिल कांबळे, डॉ.शिवराज भोसले ,डॉ.रणजीत केळकर ,डॉ.महेश राऊत ,डॉ.संतोष पिसे ,डॉ. एच व्ही गावडे डॉ.दत्तात्रेय इंगोले, डॉ.ढाळे डॉ. प्रशांत देशमुख ,डॉ.राजाराम लवटे ,डॉ. बसवेश्वर पाटील, डॉ. कोमल कांबळे ,डॉ. विनायक डमकले ,डॉ. उषा देशमुख, डॉ. अभयसिंह देशमुख, डॉ.फिरोज तांबोळी ,डॉ. अभिजीत सोनलकर ,डॉ.शैलेश डोंबे , डॉ. प्रमोद बोराडे, डॉ.सचिन गवळी, डॉ. विजय इंगवले, डॉ. प्रवीण पैलवान ,डॉ.अजित नवले ,श्री महादेव कोळेकर, डॉ.विवेकानंद विभुते ,डॉ. सारिका लवटे ,डॉ. सुनील लवटे ,डॉ.प्रज्ञा लवटे ,डॉ. अमर जाधव, डॉ.किरण जगताप ,डॉ. सैफुल तांबोळी ,डॉ. विनोद केदार, डॉ.सुपर्णा केळकर डॉ.मुल्ला ,डॉ. शिंगण ,डॉ.धनंजय गावडे ,डॉ. महावीर आलदर, डॉ.पटेल कोळा हे सर्व उपस्थित होते. तसेच लोकप्रिय आमदार डॉक्टर बाबासाहेब देशमुख मेडिकल फॅकल्टी चे सर्व सदस्य उपस्थित होते .सांगोल्यातील सर्व धन्वंतरींचा सत्कार व कृतज्ञतेचा कार्यक्रम अतिशय उत्साहात आमदार डॉ.बाबासाहेब देशमुख यांच्या निवासस्थानी पार पडला.

वासुद-अकोला गांवचे सुपुत्र डॉ. निरंजन आनंदराव केदार यांचा ‘ राज्यस्तरीय छावा ’ पुरस्काराने गौरव*

 *वासुद-अकोला गांवचे सुपुत्र डॉ. निरंजन आनंदराव केदार यांचा ‘ राज्यस्तरीय छावा ’ पुरस्काराने गौरव*

सांगोला तालुक्यातील वासुद-अकोला या गावचे सुपुत्र आणि निष्णात फिजिशियन डॉ. निरंजन आनंदराव केदार (एम.डी. मेडिसिन) यांना त्यांच्या आरोग्य व सामाजिक क्षेत्रातील उल्लेखनीय कार्याची दखल घेऊन अखिल भारतीय छावा संघटना महाराष्ट्र राज्य यांच्या वतीने आयोजित पुरस्कार सोहळ्यात त्यांच्या कर्तुत्वाचा सन्मान करत "छावा राज्यस्तरीय पुरस्कार" यांनी सन्मानित करण्यात आले आहे. गोरगरीब रुग्णांना वैद्यकीय सेवेच्या माध्यमातून नवजीवन देणाऱ्या डॉ. केदार यांना पुरस्कार मिळाल्याने सर्व स्तरांतून त्यांच्यावर अभिनंदनाचा वर्षाव होत आहे.

*छावा सर्वसामान्य जनतेचा...,छावा सामाजिक कर्तुत्वाचा..., छावा अनोख्या आरोग्य सेवेच्या कार्यपद्धतीचा...!*

मुंबई येथील ऐतिहासिक मराठा समाजाच्या आंदोलनामध्ये संघर्ष योद्धा मनोज पाटील यांच्या गरजवंत मराठ्यांचा लढा या आंदोलनामध्ये तसेच मराठा क्रांती मोर्चा यांच्या आंदोलनामध्ये सर्व टीम घेऊन अत्यावश्यक आरोग्य सेवा व आपत्कालीन ॲम्बुलन्स सेवा पुरवणारे मराठा सेवक म्हणून डॉ.निरंजन केदार यांचा नावलौकिक आहे. सदैव देव देश आणि धर्मासाठी असणाऱ्या कार्यक्रमांमध्ये स्वयंस्फूर्तीने भाग घेऊन अतिशय मोलाचे असे सामाजिक कार्यात योगदान डॉक्टर साहेबांचे असते. शिव शाहू फुले आंबेडकर अशा पुरोगामी विचारसरणीच्या आणि पुरोगामी विचार जपणाऱ्या डॉ. निरंजन केदार यांनी नेतृत्व, आचरण आणि कर्तृत्वातून खऱ्या अर्थाने आपला विचार जोपासला आहे ही खूप मोलाची बाब आहे. समाजाच्या कोणत्याही कामांमध्ये अत्यंत अग्रेसर असणाऱ्या डॉक्टर साहेबांच्या कार्यपद्धतीचे सर्व मान्यवरांकडून कौतुक होत आहे. "जिथे कमी तिथे आम्ही" अशी भूमिका राबवल्यामुळे जनमानसात  म्हणजेच तो कोणत्याही जाती-धर्माचा असू द्या डॉक्टर आपुलकीने विचारपूस करून त्याला योग्य पद्धतीने सेवा दिल्याशिवाय शांत बसत नाहीत त्यामुळेच डॉक्टरांची प्रतिमा सर्वसामान्य लोकांमध्ये अतिशय चांगली असून ही चर्चेची बाब आहे

*आरोग्य सेवेतून सक्रिय समाजकारणाकडे वाटचाल*

 

डॉ.निरंजन केदार हे सांगोल्याचे लोकप्रिय आमदार डॉ. बाबासाहेब देशमुख यांचे अत्यंत विश्वासु निकटवर्तीय असून , हृदररोग तज्ञ आमदार डॉ.बाबासाहेब देशमुख व  स्त्रीरोगतज्ज्ञ डॉ.निकीताताई बाबासाहेब देशमुख यांच्या मार्गदर्शनाखाली सामाजिक ,राजकिय ,शैक्षणिक ,

वैद्यकीय आणि आरोग्य सेवेमध्ये झोकून देऊन कार्य करत आहेत व सर्वच क्षेत्रात अतिशय सक्रिय आहेत.सांगोला तालुक्याचे भाग्यविधाते स्व. गणपतराव देशमुख (आबासाहेब) यांच्या विचारांचा वारसा जपत त्यांनी सामाजिक आणि राजकीय क्षेत्रातही आपली स्वतंत्र ओळख निर्माण  केली आहे. अशा सुशिक्षित आणि संवेदनशील तरुणांनी समाजकारणात सक्रिय होणे ही काळाची गरज असल्याचे मत अनेक मान्यवरांनी व्यक्त केले आहे.

*हलाखीच्या परिस्थितीतून यशाचे शिखर*

डॉ. निरंजन केदार यांचा प्रवास अत्यंत प्रेरणादायी आहे. त्यांचे वडील श्री. आनंदराव गणपती केदार यांनी रयत शिक्षण संस्थेत ग्रंथपाल म्हणून काम करताना, घराच्या हलाखीच्या परिस्थितीवर मात करत आपल्या तिन्ही मुलांना उच्चशिक्षित केले. वडिलांचे कष्ट आणि प्रामाणिकपणा या संस्कारांच्या शिदोरीवर डॉ. निरंजन यांनी बालवाडी ते सातवीपर्यंतचे शिक्षण कराड येथे, तर दहावीपर्यंतचे शिक्षण पंढरपूरच्या यशवंत विद्यालयात अव्वल क्रमांकाने पूर्ण केले. त्यानंतर कर्मवीर भाऊराव पाटील महाविद्यालयातून बारावीची गुणवत्ता मिळवून त्यांनी शासकीय कोट्यातून वैद्यकीय शिक्षणाचा मार्ग मोकळा केला.

*रयतचे संस्कार आणि अष्टपैलू व्यक्तिमत्व*

डॉ. केदार यांच्या व्यक्तिमत्त्वावर कर्मवीर अण्णांच्या विचारांचा मोठा पगडा आहे. साताऱ्याच्या आर्यांग्ल वैद्यक महाविद्यालयात शिकत असतानाच त्यांनी आपल्या नेतृत्वाचा ठसा उमटवला, ज्याची दखल घेत त्यांना ‘आदर्श विद्यार्थी’ पुरस्काराने गौरवण्यात आले. पुढे बेळगावच्या नामांकित के.एल.ई. विद्यापीठातून एम.डी. करताना त्यांनी परराज्यातही आपली मोहोर उमटवत ‘सर्वोत्कृष्ट पदव्युत्तर विद्यार्थी’ हा बहुमान पटकावला.

*‘रुग्ण सेवा हीच ईश्वर सेवा’*

गेल्या ५ वर्षांपासून डॉ. केदार सांगोला तालुक्यात केवळ व्यावसायिक दृष्टिकोन न ठेवता माणुसकीच्या भावनेतून वैद्यकीय सेवा देत आहेत.शासकीय योजनांच्या माध्यमातून ग्रामीण भागातील रुग्णांना उच्च दर्जाचे उपचार मोफत मिळवून देण्यासाठी ते अहोरात्र धडपडत असतात.मोफत तपासणी शिबिरे, रक्तदान शिबिरे आणि आरोग्य जनजागृतीच्या माध्यमातून त्यांनी ‘संवेदनशील डॉक्टर’ म्हणून आपली ओळख निर्माण केली आहे.त्यांचे अनेक शोधनिबंध (Research Papers) Pubmed आणि Scopus सारख्या नामांकित आंतरराष्ट्रीय वैद्यकीय जर्नल्समध्ये प्रसिद्ध झाले आहेत.

*खेळाच्या मैदानातून राष्ट्रीय स्तरापर्यंत झेप*

डॉ. केदार हे केवळ स्टेथोस्कोपपुरते मर्यादित नसून, ते एक यशस्वी खेळाडू देखील आहेत. कबड्डी आणि शरीरसौष्ठव (Bodybuilding) या खेळांमध्ये त्यांनी आंतरराज्य आणि ऑल इंडिया आंतरविद्यापीठ स्तरावर मैदान गाजवले आहे. सध्या ते ‘इंडियन बॉडी बिल्डिंग अँड फिटनेस फेडरेशन’ चे राष्ट्रीय पंच म्हणून कार्यरत आहेत.

 

 *“डॉ. निरंजन केदार यांनी आपल्या वडिलांच्या कष्टातून आणि कर्मवीरांच्या विचारातून प्रेरणा घेत समाजाची सेवा केली आहे. ‘ राज्यस्तरीय छावा’ हा पुरस्कार त्यांच्या आजवरच्या निस्पृह रुग्णसेवेची पावतीच आहे.”*

आदर्श नवरात्र उत्सव मंडळ उदनवाडी यांच्या वतीने भव्य शारदीय नवरात्र महोत्सव 2026, वर्ष 15 वे आनंदमय व भक्तिमय वातावरणामध्ये साजरा

 🙏आदर्श नवरात्र उत्सव मंडळ उदनवाडी यांच्या वतीने भव्य शारदीय नवरात्र महोत्सव 2026, वर्ष 15 वे आनंदमय व भक्तिमय वातावरणामध्ये साजरा

आदर्श नवरात्र उत्सव मंडळ उदनवाडी यांच्यावतीने दरवर्षीप्रमाणे याही वर्षी वर्ष 15 वे नवरात्र उत्सव आनंदमय व भक्तिमय वातावरणामध्ये साजरा करण्यात आला प्रारंभी दि.11 ऑक्टोबर 2026 रोजी येरमाळा येथून उदनवाडी या ठिकाणी देवीची ज्योत आणण्यात आली. घटस्थापना करण्यात आली. तसेच इतिहासात  प्रथमच उदनवाडी येथील महिला भगिनींनीही सांगोला ते उदनवाडी अशी 25 कि.मी. पायी ज्योत आणली.त्यानंतर दि.11 ते20 ऑक्टोबर2026 दरम्यान रोज सकाळ व संध्याकाळ देवीची आरती करण्यात आली. मायाक्का देवी ओविकार मंडळ उदनवाडी, मार्तंडभैरव वाघ्या मुरळी पार्टी सांगोला, पोतराज उत्तम गळवे व सहकारी यांचा देवीच्या गाण्यावर आधारित कार्यक्रम, महिलांसाठी होम मिनिस्टर कार्यक्रम, जादूगार जे जे यांचा जादूचे प्रयोगाचा कार्यक्रम असे विविध कार्यक्रम संपन्न झाले. तसेच महिला भगिनींसाठी होम मिनिस्टर, संगीत खुर्ची, रांगोळी स्पर्धा आयोजित करण्यात आली होती. तसेच आदर्श नवरात्र उत्सव मंडळ यांच्या 

वतीने महिला शेतकरी प्रमाणपत्र काढण्याचा कॅम्प आयोजित करण्यात आला होता, उदनवाडी गावामध्ये ग्रामस्वच्छता अभियान 

राबविण्यात आले यामध्येही जिल्हा परिषद प्राथमिक शाळा उदनवाडी, आदर्श नवरात्र उत्सव मंडळ उदनवाडी, उदनवाडी व उदनवाडी परिसरातील ग्रामस्थ व युवक यांनी आपला सहभाग घेतला. विद्यार्थ्यांसाठी प्रश्नमंजुषा, लहान मुलांसाठी फनी गेम्स या विविध स्पर्धा , महिला शेतकरी प्रमाणपत्र काढणे, ग्रामस्वच्छता अभियान,राबवून आदर्श उत्सव मंडळाने एका आदर्श जोपासला. दि.20 ऑक्टोबर 2026 रोजी महाप्रसाद आयोजित करण्यात आला होता. तसेच उदनवाडी गावातून देवीची भव्य मिरवणूक काढण्यात आली. रामकृष्ण वारकरी संप्रदायिक संस्था पंढरपूर येथील विद्यार्थ्यांनी तसेच आदर्श नवरात्र उत्सव मंडळ उदनवाडी या मंडळातील सदस्यांनी मिरवणुकीमध्ये आपली कला सादर केली. नयनरम्य अशी भव्य दिव्य मिरवणूक पार पडली. आदर्श नवरात्र उत्सव मंडळाने महिलांसाठी विद्यार्थ्यांसाठी विविध 

उपक्रम राबवून एक आदर्श निर्माण केला. तसेच रोज सकाळ व संध्याकाळ देवीची आरतीसाठी मोठ्या संख्येने भाविक भक्त महिला भगिनी लहान थोर मंडळी हे एकत्र जमत होते. सर्वजण एकत्र येऊन सर्वधर्मसमभाव साधण्याचे काम ही या उत्सवाने केले. हा नवरात्र उत्सव म्हणजे उदनवाडी व उदनवाडी परिसरातील सर्व भाविक भक्त महिला भगिनी लहान थोर  मंडळी यांच्यासाठी एक आनंद देणारा उत्सव आहे असे परिसरामध्ये बोलले जात आहे. सर्वांच्या सहकार्याबद्दल आदर्श नवरात्र उत्सव मंडळ उदनवाडी या मंडळाने सर्व भाविक भक्त, महिला भगिनी, लहान थोर मंडळी व मंडळातील सर्व सदस्यांचे सहकार्याबद्दल सर्वांचे आभार मानले व यंदाचा वर्ष पंधरावे नवरात्र उत्सव आनंदमय व भक्तिमय वातावरणामध्ये साजरा करण्यात आला.🙏

चोपडी येथील संग्राम बाबर यांच्या शेतात ॲग्रोस्टार या कंपनीचा 1233 या मका वाणाचे प्रात्यक्षिक संपन्न

 चोपडी येथील संग्राम बाबर यांच्या शेतात ॲग्रोस्टार या कंपनीचा 1233 या मका वाणाचे प्रात्यक्षिक संपन्न 

 * प्रात्यक्षिकासाठी शेतकऱ्यांचा उत्स्फूर्त    प्रतिसाद-

*ॲग्रोस्टार कंपनीच्या बियाणे व औषधांच्या वापराबाबत तेजस कोल्हे यांचे मार्गदर्शन संपन्न 

सांगोला /प्रतिनिधी:( दशरथ बाबर )  शेती क्षेत्रात अग्रेसर असलेल्या पुण्यातील नामवंत ॲग्रोस्टार कंपनीच्या 1233 या मका वाणाचे पीक प्रात्यक्षिक चोपडी तालुका सांगोला येथील प्रगतशील शेतकरी संग्राम बाबर यांच्या शेतामध्ये शनिवार दिनांक 17 ऑक्टोबर रोजी सकाळी दहा वाजता संपन्न झाले. ॲग्रोस्टार कंपनीचे कृषी मार्गदर्शक तेजस कोल्हे यांनी चोपडी येथील शेतकऱ्यांना ॲग्रोस्टार 1233 या मका वाणासंदर्भात तसेच कंपनीच्या नवनवीन उत्पादनाबाबत  बहुमोल मार्गदर्शन केले. यावेळी शेतकऱ्यांनीही कंपनी प्रतिनिधींना प्रश्न विचारले व त्याची उत्तरे जाणून घेतली.

शेतकरी संग्राम पांडुरंग बाबर यांनी चोपडी येथील सचिन खळगे यांच्या श्री. गणेश कृषी सेवा केंद्रातून ॲग्रोस्टार 1233 या मका बियाणाची खरेदी केली होती. या मका लागवडीपासून संग्राम बाबर यांना एकरी 30 ते 35 क्विंटल मका उत्पादन अपेक्षित आहे. मकेसाठी पाणी, खत व औषधे याचे उत्कृष्ट नियोजन करून अतिशय चांगल्या प्रकारे मका पीक तयार केले असून लवकरच त्याची कापणी करण्यात येणार आहे.  100 ते 110 दिवसांमध्ये हे मका पीक तयार होते. मक्याचे कणीस वाळले तरी मक्याचे ताट हिरवेगार राहत असल्याने या मकेपासून मुरघासही तयार करता येते. शेतकऱ्यांच्या दृष्टीने कंपनीने तयार केलेल्या ॲग्रोस्टार 1233 व 1235 या मका वाणास व या कंपनीने तयार केलेल्या वेगवेगळ्या उत्पादनासाठी शेतकऱ्यांची चांगली पसंती आहे.

ॲग्रोस्टार या कंपनीचे कृषी मार्गदर्शक तेजस कोल्हे यांनी या मक्याच्या उत्पादनासंदर्भात शेतकऱ्यांना सविस्तर मार्गदर्शन केले. शेतकऱ्यांनी या कंपनीच्या ॲपमध्ये उपलब्ध असलेली माहिती घेऊन आपल्या शेतात वेगवेगळ्या पिकांचे भरघोस उत्पादन घ्यावे असे 

आवाहन केले. टेरिटरी मॅनेजर धिरज शिंदे, ॲग्रोस्टार कंपनीचे सांगोला तालुका प्रतिनिधी गहिनीनाथ यादव यांनीही मार्गदर्शन केले. 

सर्वप्रथम चोपडी गावचे माजी उपसरपंच पोपटशेठ यादव, चेअरमन भिकाजी बाबर, चेअरमन दगडू बाबर, आर. एस. बाबर सर, संग्राम बाबर, सचिन खळगे, यांच्या हस्ते लक्ष्मीमातेच्या प्रतिमेचे पूजन करून कार्यक्रमाचा शुभारंभ करण्यात आला. या कार्यक्रमासाठी चोपडी गावातील शेतकरी बांधव मोठ्या संख्येने उपस्थित होते. यावेळी उपस्थित शेतकऱ्यांसाठी लकी ड्रॉ काढण्यात आला. निवड झालेल्या शेतकऱ्यांना कंपनी उत्पादित मका बियाणे व औषध वाटप करण्यात आले.

वासुद रोड येथील श्री. दुर्गामाता दौड सांगोला पोलीस स्टेशनचे कर्तव्यदक्ष पोलीस निरीक्षक श्री. राहुल देशपांडे यांच्या प्रमुख उपस्थितीत उत्साहात संपन्न*

 *वासुद रोड येथील श्री. दुर्गामाता दौड सांगोला पोलीस स्टेशनचे कर्तव्यदक्ष पोलीस निरीक्षक श्री. राहुल देशपांडे यांच्या प्रमुख उपस्थितीत उत्साहात संपन्न*

दरवर्षी शारदीय नवरात्रात गावागावात आणि शहरातही श्रीदुर्गामाता  दौड घटस्थापना ते विजयादशमी (दसरा) या कालावधीत काढली जाते पूर्ण शिस्तबद्ध स्वरूपात या दुर्गा माता दौडीत धारकरी सहभाग घेतात.  ही परंपरा गेली अनेक वर्षे सातत्याने चालू आहे.  दुर्गा माता दौड म्हणजे सर्व शिवभक्त एकत्रितपणे शिस्तबद्ध पद्धतीने चालणे किंवा धावणे.  दुर्गामाता, कालीमाता, चंडीमाता, भारतमाता, गोमाता, हे सर्व एकच आहेत आणि हिंदू तरुण या मातांच्या चरणी धावत जाऊन देव, देश आणि धर्म यांच्याप्रति शपथ घेतात.

              "श्रीदुर्गमाता दौड" सहावी माळ  वासुद चौक - कर्मवीर नगर ,वासुद रोड नंतर वासुद चौक  या मार्गाने अतिशय जल्लोषाच्या वातावरणात संपन्न झाली या दुर्गामाता दौड साठी सांगोला पोलीस स्टेशनचे कर्तव्यदक्ष पोलीस निरीक्षक श्री राहुल देशपांडे साहेब यांची प्रमुख उपस्थिती लाभली. या सोहळ्याला उत्स्फूर्तपणे सर्व धारकरी उपस्थित होते.

              शिवरायांसारखं रत्न या भारतभूमीला लाभण, या महाराष्ट्राच्या मातीत जन्माला येण हि साधी सोपी गोष्ठ नाही. हा एक ज्वलंत इतिहास पराक्रमाचा, आई भवानीच्या आशीर्वादाचा, या सह्याद्रीचा आणि सह्याद्रीत छातीची ढाल करणाऱ्या मावळ्यांना पुन्हा छत्रपती शिवाजी महाराज जन्माला यावा अस प्रत्येकाला वाटत असेल तर, हिंदूधर्म रक्षण करण गरजेच आहे. इतिहासातील छत्रपती शिवराय अजूनही जिवंत आहे आणि सूर्य चंद्रा सोबती जिवंतच राहील आणि तो आजच्या तरुण, बाल दोन्ही पिड्यांच्या नसानसांत आपल्याला पोचवण्यासाठी आणि याच शपथेवर आज संपूर्ण महाराष्ट्रात देशभरात दुर्गामाता दौड केली जात आहे. सर्व शिवभक्तांनी जास्तीत जास्त श्री दुर्गा माता दौडीत सहभागी व्हावे असे आवाहन शिवप्रतिष्ठान हिंदुस्थान यांच्या वतीने करण्यात येत आहे. संपर्क

77410 50601, 92097 67042.

सांगोला नगरपालिकेच्या पाणीपुरवठा विभागात पाणीपुरवठा अभियंत्याच्या मनमानी व भ्रष्ट कारभाराची शासनाने समिती नेमून चौकशी करण्याची मागणी शहराचा पाणीपुरवठा विस्कळीत

 सांगोला नगरपालिकेच्या पाणीपुरवठा विभागात पाणीपुरवठा अभियंत्याच्या मनमानी व भ्रष्ट कारभाराची शासनाने समिती नेमून चौकशी करण्याची मागणी शहराचा पाणीपुरवठा विस्कळीत   .

 सांगोला /प्रतिनिधी: सांगोला नगरपालिकेच्या पाणीपुरवठा विभागामध्ये पदभार घेतलेले पाणीपुरवठा अभियंता यांनी मनमानी कारभार व प्रचंड प्रमाणात भ्रष्टाचार सुरू केला आहे पाणीपुरवठा विभाग पूर्णपणे विस्कळीत झाला असून नागरिक आंदोलनाच्या पावित्र्यात आहेत या पाणीपुरवठा विभागाच्या अभियंत्याने केलेल्या भ्रष्टाचाराची शासनाने समिती नेमून चौकशी करावी व या अभियंत्यावर गुन्हा दाखल करावा अशी मागणी सांगोला नगरपालिकेचे मा. नगरसेवक सतीश भाऊ सावंत यांनी नगर विकास मंत्री जिल्हाधिकारी यांच्याकडे लेखी निवेदनाद्वारे केली आहे सांगोला नगरपालिकेमध्ये पाणीपुरवठा अभियंता म्हणून ऑक्टोंबर 2024 मध्ये करण सरोदे यांनी पदभार घेतला आहे करण सरोदे यांनी पदभार घेतल्यापासून मनमानी कारभार व भ्रष्टाचार सुरू केला आहे हम करे सो कायद्याप्रमाणे कामकाज सुरू असून माझ कोणी काही करू शकत नाही अशा आविर्भावात ते वागत आहेत मनमानी कारभारामुळे सांगोला शहराचा पाणीपुरवठा विस्कळीत झाला आहे नागरिकांना पाणी वेळेवर मिळत नाही कमी दाबाने पाणीपुरवठा होतो सणासुदीच्या दिवसांमध्ये नागरिक त्रस्त झालेले आहेत आधीच दुष्काळी तालुका असलेल्या सांगोला शहरात या पाणीपुरवठ्या अभियंत्याने कोणत्याच पदाधिकाऱ्याला विश्वासात न घेता कामकाज सुरू केले आहे साहित्य खरेदी केल्याची बोगस बिले तयार करून हा अभियंता भ्रष्टाचार करीत आहे या अभियंत्याने प्रशासकाच्या काळात ज्या पद्धतीने कामकाज केले आहे त्या पद्धतीने आता पदाधिकारी आहेत याचे भान न ठेवता हा अभियंता कामकाज करीत आहे सांगोला नगरपालिकेमध्ये पदाधिकारी अजिबात लक्ष देत नसल्यामुळे हा पाणीपुरवठा अभियंता मनमानी कारभार करीत आहे या अभियंत्याने आतापर्यंत केलेल्या भ्रष्टाचाराची शासनाने समिती नेमून चौकशी करावी व या अभियंत्यावर तात्काळ गुन्हा दाखल करावा अशी मागणी सांगोला नगरपालिकेची मा. नगरसेवक सतीश भाऊ सावंत यांनी राज्याचे नगर विकास मंत्री व जिल्हाधिकारी यांच्याकडे लेखी निवेदनाद्वारे केली आहे पण

मॅक्स इंडिया न्यूजच्या राज्यस्तरीय समाज रत्न पुरस्काराने आप्पासाहेब व्हळगळ सन्मानित.

 मॅक्स इंडिया न्यूजच्या राज्यस्तरीय समाज रत्न पुरस्काराने आप्पासाहेब व्हळगळ सन्मानित. 

वाटंबरे/प्रतिनिधी:

सांगोला तालुका राजुरी गावचे सुपुत्र  आप्पासाहेब शंकर व्हळगळ यांच्या कृषी ,सामाजिक व राजकीय क्षेत्रातील उल्लेखनीय कार्याची दखल घेत मॅक्स इंडिया न्यूज यांच्यावतीने  यावर्षीचा  राज्यस्तरीय समाज रत्न पुरस्कार देऊन सन्मानित करण्यात आले. 

 हा पुरस्कार सोहळा  शुक्रवार दि. 2 ऑक्टोंबर रोजी राजुरी येथील महादेव मंदिरात पार पडला.

या पुरस्कार वितरण सोहळ्यास पंचायत समिती सदस्य सदाशिव दबडे, ग्रामपंचायत सदस्य आनंदा बंडगर ,प्रकाश दबडे ,जगन्नाथ घोंगडे, तानाजी बंडगर, तंटामुक्ती अध्यक्ष आप्पासाहेब जूजारे, बाळासो बिसले, उपसरपंच महेश काटे ,भारत काटे ,विशाल दबडे ,चरण दबडे ,ज्ञानेश्वर दबडे ,अशोक बंडगर, बजरंग बंडगर ,जावेद पटेल तसेच समस्त राजुरी ग्रामस्थ यावेळी मोठ्या संख्येने उपस्थित होते.