चिणके व पाचेगावच्या सरपंचपदासह पाचेगाव व बलवडीचे सर्व आणि अनकढाळचे ३ ग्रामपंचायत सदस्य बिनविरोध.

 चिणके व पाचेगावच्या सरपंचपदासह पाचेगाव व बलवडीचे सर्व आणि अनकढाळचे ३ ग्रामपंचायत सदस्य बिनविरोध.

 चिणके व पाचेगावच्या सरपंचपदासह पाचेगाव व बलवडीचे सर्व आणि अनकढाळचे ३ ग्रामपंचायत सदस्य बिनविरोध...!

{बिनविरोध ग्रामपंचायतीवर आबा-बापू गटाचे वर्चस्व }

सांगोला तालुक्यातील ६ ग्रामपंचायत निवडणुकीपैकी चिणके आणि पाचेगाव खु. या दोन प्रमुख ग्रामपंचायतीच्या सरपंचपदाची निवडणूक बिनविरोध पार पडली. त्याचबरोबर बलवडी ग्रामपंचायतीचे सर्वच्या सर्व म्हणजे ११ सदस्य, अनकढाळचे ३ सदस्य आणि पाचेगाव ग्रामपंचायतचे सरपंचासह सर्व ९ ग्रामपंचायत सदस्य यांची बिनविरोध  निवड झाली. विशेष म्हणजे बिनविरोध ग्रामपंचायतीवर मा. आम. दिपकआबा साळुंखे पाटील आणि आमदार शहाजीबापू पाटील यांच्या आघाडीचे निर्विवाद वर्चस्व राहिले आहे. 

सांगोला तालुक्यातील चिणके, चिंचोली, पाचेगाव, शिवणे, अनकढाळ आणि बलवडी या ६ ग्रामपंचायतचा निवडणूक कार्यक्रम सुरू आहे. 

सांगोला तालुक्यातील बहुचर्चित चिणके ग्रामपंचायत सरपंचपदी दिपकआबा गटाचे नाथा दत्तू खंडागळे यांची तर पाचेगाव ग्रामपंचायतच्या सरपंचपदी शहाजीबापू पाटील गटाच्या सौ. संगीता संजय भोसले यांची बिनविरोध निवड झाली. त्याचबरोबर पाचेगाव ग्रामपंचायतच्या सर्वच्या सर्व एकूण ९ सदस्यपदी मिसाळ शिवाजी शेशाप्पा, मिसाळ रंजना हरिबा, मिसाळ अर्चना तात्यासो, हणमंत तुकाराम मिसाळ, सविता विठ्ठल यादव, भंडगे युवराज वसंत, नलवडे दिपाली गणेश, मिसाळ भारत निवृत्ती व इंदुमती सचिन काबुगडे यांची बिनविरोध निवड झाली. बलवडी ग्रामपंचायतच्या सदस्यपदीही मा.आम. दिपकआबा साळुंखे पाटील आणि आमदार शहाजीबापू पाटील गटाचे सर्व सुनीता राजेंद्र तोरणे, शिवाजी नानासो शिंदे, शारदा विलास धायगुडे, समाधान यशवंत शिंदे, बाबासाहेब तुकाराम पालसंडे, सुरेखा विकास पवार, कृष्णदेव धोंडीबा कारंडे, राधा शिवाजी राऊत, नंदा मारुती करडे, सविता सुरेश गुरव, रविराज रमेश शिंदे हे सदस्य बिनविरोध निवडून आले. तर अनकढाळ ग्रामपंचायतच्या ३ जागेवर मात्र शेतकरी कामगार पक्षाचे शारदा आनंदा काटे, मयुरी विश्वास आदाटे आणि सुनील आनंदा आडसुळ यांची बिनविरोध निवड झाली. अनकढाळच्या सरपंचपदासाठी मात्र ५ उमेदवारी अर्ज दाखल झाल्याने ही निवडणूक लक्षवेधी होणार आहे. तर सदस्यपदाच्या ६ जागांसाठी १५ अर्ज उरले आहेत.चिणके ग्रामपंचायतच्या ११ सदस्य जागांसाठी २३ उमेदवारी अर्ज दाखल झाले आहेत. तर बलवडीच्या सरपंचपदासाठी ४ अर्ज शिल्लक राहिल्याने या निवडणूका रंगतदार होतील. तर चिंचोली ग्रामपंचायतच्या सरपंचपदासाठी तब्बल ५ उमेदवारी अर्ज दाखल झाले आहेत ११ ग्रामपंचायत सदस्यांसाठी ४३ अर्ज शिल्लक राहिल्याने चिंचोली ग्रामपंचायतची निवडणूक बहुरंगी व लक्षवेधी होणार आहे. या गावात सर्वपक्षीय तरुणांनी एकत्रित येऊन एक वेगळी आघाडी केल्याने पारंपारिक मातब्बर नेत्यांना यंदाची ग्रामपंचायत निवडणूक चांगलीच जाचणार असल्याचे राजकीय वर्तुळातून बोलले जात आहे. दुसरीकडे तालुक्यातील आणखी एक महत्त्वाची ग्रामपंचायत असलेल्या शिवने ग्रामपंचायतच्या सरपंच पदासाठी केवळ २ अर्ज उरले आहेत तर शिवणे ग्रामपंचायतीच्या ११ जागांसाठी २२ अर्ज दाखल झाले आहेत. त्यामुळे ही निवडणूक थेट दुरंगी होणार हे जवळपास स्पष्ट झाले आहे.बिनविरोध निवडून आलेले सरपंच आणि सर्व सदस्यांचा मा. आम  दिपकआबा साळुंखे पाटील यांनी तसेच आमदार शहाजीबापू पाटील यांच्या कार्यालयाच्या वतीने सत्कार करून नवनियुक्त सरपंच व सदस्यांना शुभेच्छा दिल्या.