नाझरे प्रतिनिधी
जात, धर्म, पंथ देवाला लागत नाही तर देव तुमचा होवो व तुम्ही देवाची हो वो यासाठी प्रत्येकाने निष्ठेने भक्ती करा व सुख, शांती, समाधानासाठी श्री गुरुदेव दत्त नामस्मरण करा व मोराळे येथील नियोजित दत्त मंदिराच्या बांधकामासाठी मदत करा असे आवाहन गुरुवर्य भालचंद्र पाटील काका यांनी घोरपडी ता. कवठेमंकाळ येथे प्रबोधनात केले.
भक्ती करताना निष्ठा काय कामाची यासाठी गुरुचरित्र वाचा व त्यामध्ये परीट राजा झाला व महिलेचा नवरा मृत्यूनंतर जिवंत कसा झाला यासाठी परमेश्वराचे नामस्मरण करून निष्ठेने भक्ती करा व गुरुचरित्र ग्रंथ वाचा तसेच गाणगापूर व एकदा मोराळला भेट द्या म्हणजे गुरु नरसिंह सरस्वती व शिवदत्त महाराज यांचा महिमा कसा आहे हे समजेल. परंतु मांसाहार, मद्यपान करू नका व प्रत्येकाने सकाळ, संध्याकाळ किंवा किमान एक वेळ तरी दोन अगरबत्ती देवास लावून त्या संपेपर्यंत दिगंबरा, दिगंबरा, श्रीपाद वल्लभ दिगंबरा किंवा श्री गुरुदेव दत्त असे नामस्मरण करा त्यामुळे तुमची शारीरिक व्याधी कमी होईल व जीवनात सुख, शांती, समाधान मिळेल. तसेच परमेश्वराने आपणास मानव जन्म दिला व पुढचा जन्म चांगला मिळण्यासाठी देवाच्या गळ्यातील ताईत व्हा व भक्ती करा असा उपदेश भालचंद्र पाटील काका यांनी यावेळी केला.
कोणत्याही टिप्पण्या नाहीत:
टिप्पणी पोस्ट करा