महामानव डॉ. बाबासाहेब आंबेडकर यांची १३२ जयंती वाटंबरे येथे विविध ठिकाणी मोठ्या उत्साहात साजरी‌.

महामानव डॉ. बाबासाहेब आंबेडकर यांची १३२ जयंती वाटंबरे येथे विविध ठिकाणी मोठ्या उत्साहात साजरी‌.

वाटंबरे/प्रतिनिधी:वाटंबरे येथे महामानव डॉ. बाबासाहेब आंबेडकर यांची १३२ जयंती मोठ्या उत्साहात साजरी करण्यात आली. यावेळी ग्रामपंचायत कार्यालय येथे  छत्रपती शिवाजी महाराज यांच्या पुतळ्यास दिगंबर गवळी व विनोद धनवडे यांच्या हस्ते पुष्पहार अर्पण करण्यात आला व माजी ग्रामपंचायत सदस्य तंटामुक्ती अध्यक्ष सुब्राव बापू पवार  यांच्या हस्ते श्रीफळ वाढवण्यात आले यावेळी डॉ बाबासाहेब आंबेडकर यांच्या प्रतिमेचे पूजन ग्रामपंचायत सरपंच किरण पवार व आप्पासाहेब गेजगे यांच्या हस्ते करण्यात आले. आजी-माजी ग्रामपंचायत सदस्य , आजी माजी सोसायटी चेरमण ,आजी माजी तंटामुक्ती अध्यक्ष, विविध पक्षाचे पदाधिकारी तसेच विविध संस्थेचे पदाधिकारी , सार्वजनिक आंबेडकर जयंती उत्सव मंडळाचे अध्यक्ष  पदाधिकारी मोठ्या प्रमाणावर भीमसैनिक व ग्रामस्थ यावेळी उपस्थित होते.

सार्वजनिक आंबेडकर जयंती उत्सव मंडळ यांच्या वतीने भीम नगर येथे आंबेडकर जयंती मोठ्या उत्साहात साजरी करण्यात आली यावेळी सरपंच ,उपसरपंच, उपस्थित मान्यवरांच्या हस्ते डॉ. बाबासाहेब आंबेडकर यांच्या प्रतिमेचे पूजन करण्यात आले .सार्वजनिक आंबेडकर जयंती उत्सव मंडळ यांच्या वतीने आंबेडकर जयंतीचे औचित्य साधत गावातील गुणवंत विद्यार्थिनीचे सत्कार करण्यात आले. राज्यशास्त्र या विषयात महाराष्ट्रात प्रथम क्रमांक आलेली शितल बाजीराव पवार या विद्यार्थिनीचा सत्कार माजी उपसरपंच सुवर्णा नारायण धनवडे यांच्या हस्ते करण्यात आला व अभीरूप शिष्यवृत्ती परीक्षा सातारा या स्पर्धा परीक्षेत राज्यात पाचवा जिल्ह्यात तिसरा व सांगोला तालुक्यात प्रथम क्रमांक आलेली स्वरा श्रीधर पवार या विद्यार्थिनीचा सत्कार विद्यमान ग्रामपंचायत सदस्य सुकेशनी धनवडे यांच्या हस्ते करण्यात आला.  सार्वजनिक आंबेडकर जयंती उत्सव मंडळाच्या वतीने वाटंबरे गावात चालू असलेल्या छत्रपती शिवाजी महाराजांच्या पुतळ्याच्या कामासाठी चौदा हजार चारशे रुपयांची ची देणगी  देण्यात आली.