शासनाच्या आदिशक्ती अभियान समितीच्या अध्यक्षपदी बुद्धेहाळ गावच्या रूपाली काळे यांची निवड

शासनाच्या आदिशक्ती अभियान समितीच्या अध्यक्षपदी बुद्धेहाळ गावच्या रूपाली काळे यांची निवड.

सांगोला/प्रतिनिधीः

महिलांच्या समक्षीकरणासाठी शासनाने स्थापन केलेल्या आदिशक्ती अभियान समितीच्या अध्यक्षपदी सामाजिक कार्यकर्त्या रूपाली संतोष काळे यांची बिनविरोध निवड करण्यात आली.  

राज्यातील महिला व बालकांची मोठ्या प्रमाणात असलेली लोकसंख्या व राज्यातील महिलांच्या जीवनात येणार्‍या समस्या व त्यांच्या सबलीकरणासंदर्भात भेडसावणार्‍या समस्या ज्यामध्ये प्रामुख्याने महिलांच्या अर्थिक, सामाजिक, शैक्षणिक व आरोग्य विषयक समस्या जाणून घेऊन त्यांचा सर्वांगिण विकास होण्याच्या दृष्टीने सन 2025-26 पासून राज्यात आदिशक्ती अभियान राबविण्यास मान्यता देण्यात येत आहे. या मोहिमेद्वारे महिलांसाठी राज्यात राबविण्यात येत असलेल्या विविध शासकीय योजना/उपक्रम/कार्यक्रम इ. बाबत आवश्यक व उपयुक्त माध्यमाद्वारे प्रचार प्रसिध्दी देऊन जनमाणसांमध्ये याबाबतची जनजागृती करण्यात येईल. यासाठी ग्रामस्तरीय समित्यांना आदिशक्ती पुरस्कार देऊन गौरविण्यात येणार आहे .

ग्राम चळवळीतून महिलांच्या समस्यांचे महत्व जाणून घेणे व महिलांच्या आरोग्य समस्यांचे संवेदनशीलपणे निवारण करणे., कुपोषण, बालमृत्यू, मातामृत्यूचे प्रमाण कमी करण्याकरीता सक्षम समाज निर्माण करणे., लिंगभेदात्मक विचारसरणीला आव्हान देऊन किशोवयीन मुलींमध्ये शिक्षणाचे प्रमाण वाढविणे व बालविवाह मुक्त समाज निर्माण करणे., ही लैंगिक, शारीरिक अत्याचार ला प्रतिबंध करून हिंसाचार मुक्त कुटुंब व समाज निर्माण करणे व अनिष्ट रुर्डीचे निर्मुलन करणे., महिला नेत्तृत्वाला सक्षम करून पंचायत राज पद्धतीमध्ये त्यांचा सहभाग वाढविणे., महिला, किशोरी यांना शिक्षण, रोजगार, निर्णय व हक्क यामध्ये समान संधी निर्माण करून शासकीय योजनांचा लाभ व स्वयंरोजगाराच्या संधींच्याचीयमातून आर्थिक उन्नत श्री संकल्पना राबविणे हे या समितीचे काम आहे.

ग्राम सभेने निवडलेली महिला प्रतिनिधी- अध्यक्ष, पुरुष प्रतिनिधी (महिला व बाल विकास क्षेत्रात सक्रिय)- सदस्य,  पुरुष प्रतिनिधी सामाजिक क्षेत्रात सक्रिया- सदस्य, आशा स्वयंसेविका-  सदस्य, महिला शिक्षिका / महिला तलाठी/महिला पोलीस पाटील- सदस्य, ग्रामसेवकों ग्राम विकास अधिकारी- सदस्य,  पोलीस पाटील-सदस्य,   अंगणवाडी सेविका-सदस्य सचिव यांचा या समितीत समावेश आहे.

रूपाली काळे यांनी  बुद्धेहाळ गटात दारूबंदी,  महिलांच्या अडीअडचणी सोडवून महिलांचे संघटन करून महिला सक्षमीकरण करण्यासाठी सिंहाचा वाटा आहे. यांच्या निवडीने त्यांचे सर्वत्र अभिनंदन होत आहे.